ଗ୍ୟାସ ଟାଙ୍କି ଫାଟି ଜଳିଗଲା ଘର

ଜୟପାଟଣା ବ୍ଲକ ଝାକରପଡା ଗାଁରେ ରୋଷେଇ ଗ୍ୟାସ ଟାଙ୍କି ଫାଟି ଗୋଟିଏ ବଖରା ଜଳିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି ଅଧିକ ପଢନ୍ତୁ..

କଳାହାଣ୍ଡି: କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଝାକରପଡା ଗାଁରେ ରୋଷେଇ ଗ୍ୟାସ ଟାଙ୍କି ଫାଟି ଗୋଟିଏ ବଖରା ଜଳିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି । ସୂଚନା ଅନୁଯାୟୀ ଝାକରପଡାର କୃଷ୍ଣଚନ୍ଦ୍ର ବିଷୋୟୀଙ୍କ ଘରେ ସୋମବାର କୌଣସି କାରଣରୁ ଗ୍ୟାସରେ ନିଆଁ ଲାଗି ଟାଙ୍କି ଫାଟି ଘର ଜଳି ଯାଇଥିଲା ।

ଖବର ପାଇ ଦମକଳ ବିଭାଗ ଆସି ନିଆଁକୁ ଆୟତ୍ତ କରିବା ଫଳରେ ଗାଁ ନିଆଁ ବ୍ୟାପିବାରୁ ରକ୍ଷା ପାଇଥିଲା । ପଡୋଶୀ ଘର ଲୋକଙ୍କ ଘରେ ମଧ୍ୟ ନିଆଁ ଲାଗି ପାରିନଥିଲା ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ