ଭବାନୀପାଟଣା: କଳାହାଣ୍ଡି ଜିଲ୍ଲା ସଦର ଥାନା ଅନ୍ତର୍ଗତ ସାନ୍ ଖାଏରମାଲ ଗାଁରେ ଗତ ୬ ତାରିଖରେ ଗାଁର ଏକ ଚାଷ ଜମିରୁ ନାବାଳକର ମୃତଦେହକୁ ଉଦ୍ଧାର କରିଛି ପୋଲିସ । ଏହି ଘଟଣା ହତ୍ୟାକାଣ୍ଡ ଘଟଣାରେ ଅଭିଯୁକ୍ତକୁ ଗିରଫ କରିଛି ପୋଲିସ । ସୂଚନାନୁଯାୟୀ ସାନ୍ ଖାଏରମାଲ ଗାଁର ନାବାଳକ ସୁଦାମ ଗୌଡ଼ ଗତ ୪ ତାରିଖ ଠାରୁ ନିଖୋଜ ଥିବା ନେଇ ପରିବାର ପକ୍ଷରୁ ସଦର ଥାନାରେ ଅଭିଯୋଗ ହୋଇଥିଲା । ଆଉ ଏହି ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ କରିଥିଲା ପୋଲିସ ।
ବହୁ ଖୋଜା ଖୋଜି ପରେ ଗତ ୬ ତାରିଖ ଦିନ ନାବାଳକର ମୃତଦେହ ସାନ୍ ଖାଏରମାଲ ଗାଁ ନିକଟରେ ଥିବା ଚାଷ ଜମିରୁ ଉଦ୍ଧାର କରିଥିଲା ପୋଲିସ । ପରିବାର ପକ୍ଷରୁ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ଅଭିଯୋଗ ମଧ୍ୟ ହୋଇଥିଲା । ଅଭିଯୋଗ ପରେ ସନ୍ଧାନୀ କୁକୁର ଓ ସାଇଣ୍ଟିଫିକ ଟିମର ସାହାଯ୍ୟ ନେଇ ଘଟଣାର ଛାନ୍ଭିନ୍ ଆରମ୍ଭ କରିଥିଲା ପୋଲିସ ।
ଆଉ ଏହି ଘଟଣାର ମାଷ୍ଟର ମାଇଣ୍ଡ ତଥା ମୃତ ନାବାଳକର ସମ୍ପର୍କୀୟ ଭାଇ ଶିଶୁ ଗୌଡ଼ କୁ ପୋଲିସ ଗିରଫ କରିଥିବା ଜଣାପଡିଛି । ପୋଲିସର ସୂଚନାନୁଯାୟୀ ଏହା ଏକ ପ୍ରେମ ଜନିତ ହତ୍ୟାକାଣ୍ଡ ନିଜ ସ୍ତ୍ରୀ ସହ ଅନୈତିକ ସମ୍ପର୍କ ଥିବା ସନ୍ଦେହ କରି ନାବାଳକକୁ ରଡ଼ ସାହାଯ୍ୟରେ ମାରି ଫିଙ୍ଗି ଦେଇଥିବା ଜଣାପଡିଛି ।
ଭବାନୀପାଟଣାରୁ ଅଜିତ୍ କୁମାର ସିଂ, ଇଟିଭି ଭାରତ
