ଭବାନୀପାଟଣା: କଳାହାଣ୍ଡି ଭବାନୀପାଟଣା ସହର ପୁରୁଣାପଡାରୁ ଏକ ବନ୍ଦ କଠୋରୀରୁ ମୃତଦେହ ଉଦ୍ଧାର । ୪୫ ବର୍ଷୀୟ ତୁଳାରାମ ହଂସ ନାମକ ଜଣେ ବ୍ୟକ୍ତି ନିଜ ବେକରେ ଚାଦର ଦେଇ ଆତ୍ମହତ୍ୟା କରିଛନ୍ତି ।
ବନ୍ଦ କୋଠରୀରୁ ମୃତଦେହ ଉଦ୍ଧାର
ବୁଧବାର ବିଳମ୍ବିତ ରାତିରେ ମଦ ପିଇ ନିଜ ପୁଅ ଓ ସ୍ତ୍ରୀକୁ ଗାଳି ଗୁଲଜ କରିବା ସହିତ ଆହୁରି ମଦ ପିଇବା ପାଇଁ ୫00 ଟଙ୍କା ମାଗିଥିଲେ । କିନ୍ତୁ ପରିବାର ଲୋକେ ମନା କରିବା ପରେ ସେ ନିଜ କୋଠରୀକୁ ଚାଲି ଯାଇଥିଲେ । ସକାଳୁ ବହୁତ ଡେରି ପର୍ଯ୍ୟନ୍ତ ଜଳଖିଆ ପାଇଁ ନ ଆସିବା ପରେ ସ୍ତ୍ରୀ ଯାଇ କୋଠରୀରେ ଦେଖିବା ବେଳକୁ, ତୁଳାରାମ ନିଜ ବେକରେ ଚାଦର ଦେଇ ଆତ୍ମହତ୍ୟା କରିଛନ୍ତି ।
ଏହାପରେ ପରିବାର ଲୋକେ ପୋଲିସକୁ ସୂଚନା ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
