କଳାହାଣ୍ଡିରେ ମୁଖ୍ୟ ଶାସନ ସଚିବ, ଆହାର କେନ୍ଦ୍ରରେ ଆହାର କଲେ ଅସିତ

କଳାହାଣ୍ଡି ଜିଲ୍ଲାରେ ଅଚାନକ ଗସ୍ତ କଲେ ମୁଖ୍ୟ ଶାସନ ସଚିବ । ଆହାର କେନ୍ଦ୍ରରେ ସାଧରଣ ଲୋକଙ୍କ ସହିତ ମିଶି ଖାଇଛନ୍ତ୍ ଅସିତ ତ୍ରିପାଠୀ ।

ଭବାନୀପାଟଣା: ମୁଖ୍ୟ ଶାସନ ସଚିବଙ୍କ କଳାହାଣ୍ଡି ଗସ୍ତ । କଳାହାଣ୍ଡି ଜିଲ୍ଲା ମୁଖ୍ୟାଳୟ ଭବାନୀପାଟଣା ସହରକୁ ଅଚାନକ ଭାବେ ଓଡିଶା ସରକାରଙ୍କ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ଗସ୍ତ କରିଛନ୍ତି ।

ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ପ୍ରଥମେ ଭବାନୀପାଟଣା ସହର ମଧ୍ୟରେ ଥିବା ଆହାର କେନ୍ଦ୍ରକୁ ଯାଇଥିଲେ । ଆହାର କେନ୍ଦ୍ରରେ ଭୋଜନ କରୁଥିବା ଲୋକ ମାନଙ୍କ ସହ ଭୋଜନ କରିଛନ୍ତି । ତାଙ୍କର ଗସ୍ତ ସମୟରେ କଳାହାଣ୍ଡି ଜିଲ୍ଲାପାଳ ଗାଭଳି ପରାଗ ହର୍ଷଦ ଓ ଜିଲ୍ଲା ଆରକ୍ଷୀ ଅଧୀକ୍ଷକ ବି ଗଙ୍ଗାଧର ଉପସ୍ଥିତ ରହିଥିଲେ । ଏହାପରେ ମୁଖ୍ୟ ଶାସନ ସଚିବ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲାର ଉଚ୍ଚପଦସ୍ଥ ଅଧିକାରୀ ମାନଙ୍କ ସହ ଏକ ରୁଦ୍ଧଦ୍ବାର ବୈଠକ କରିଥିଲେ ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ