ଭବାନୀପାଟଣା : କଳାହାଣ୍ଡିରେ ଥିବା ସୀତା ବୁର୍ଡିପଡା ୱାର୍ଡ ନମ୍ବର ୨ର ୨୦ରୁ ଊର୍ଦ୍ଧ ମହିଳା ଶୁକ୍ରବାର ଭବାନୀପାଟଣା ପୌର ବିଭାଗର ଦ୍ୱାରାସ୍ତ ହୋଇଛନ୍ତି । ଅଭିଯୋଗ ଅନୁଯାୟୀ ୨୦୧୬ ମସିହାରେ ବସ୍ତି ବାସିନ୍ଦାଙ୍କୁ ଉଚ୍ଛେଦ କରାଯିବା ସମୟରେ କିଛି ପରିବାର ଥଇଥାନ ହୋଇଥିବା ବେଳେ ୨୦ରୁ ଅଧିକ ପରିବାର ସୀତା ବୁର୍ଡିପଡାରେ ହିଁ ରହୁଥିଲେ ।
ରାଜ୍ୟ ସରକାରଙ୍କ ବସ୍ତି ଆଇନ ୨୦୧୭ ଅନୁଯାୟୀ ପୌରପାଳିକା ଦ୍ବାରା ସୀତା ବୁର୍ଡିପଡାର ସର୍ଭେ କରାଯାଇ ପଟ୍ଟା ପ୍ରଦାନ କରିବା ପାଇଁ ତାଲିକା ପ୍ରସ୍ତୁତ କରାଯାଇଥିଲା । କିଛି ପରିବାରଙ୍କୁ ଯୋଗ୍ୟତା ପ୍ରମାଣ ପତ୍ର ପ୍ରଦାନ କରାଯାଇଛି । କିନ୍ତୁ ବର୍ଷବର୍ଷ ଧରି ସେମାନଙ୍କୁ ଥଇଥାନ କରାଯାଉ ନାହିଁ । ବର୍ତ୍ତମାନ ବସ୍ତି ଉଚ୍ଛେଦକୁ ନେଇ ଅସନ୍ତୋଷ ଦେଖାଦେଇଛି ।
ଭବାନୀପାଟଣା ପୌରପାଳିକା କାର୍ଯ୍ୟାଳୟକୁ ଆସି ସୀତା ବୁର୍ଡିପଡାର 20ଟି ପରିବାର ପ୍ରଥମେ ବାସଗୃହ ଓ ମୌଳିକ ସୁବିଧା ଦେଇ ଥଇଥାନ କରିବା ପରେ ହିଁ ଉଚ୍ଛେଦ କରିବା ପାଇଁ ଦାବି ରଖିଥିଲେ । ଏହାସହ ପୌର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଦାବିପତ୍ର ପ୍ରଦାନ କରିଛନ୍ତି।
କଳାହାଣ୍ତିରୁ ଅଜିତ ସିଂ, ଇଟିଭି ଭାରତ
