ଭବାନୀପାଟଣା: କଳାହାଣ୍ଡି ଜିଲ୍ଲା ସଦର ଥାନା ପକ୍ଷରୁ ଏକ ୪ ଜଣିଆ ଡ଼କାୟତ ଗ୍ୟାଙ୍ଗର ପର୍ଦ୍ଦାଫାଶ ହୋଇଛି । ଗତ ଅକ୍ଟୋବର 20 ତାରିଖରେ ଭବାନୀପାଟଣା ସଦର ଥାନା କାମଠଣା ଗ୍ରାମରେ ହୋଇଥିବା ଡକାୟତକୁ ଭିତ୍ତି କରି ଏହି ଡକାୟତଙ୍କୁ ଗିରପ କରାଯାଇଛି ।
ଭବାନୀପାଟଣା ପୋଲିସର ଧରପଗଡ଼, ୪ ଜଣିଆ ଡକାୟତ ଗ୍ୟାଙ୍ଗ ଗିରଫ
ଗତ ଅକ୍ଟୋବର ୨୦ ତାରିଖ ଦିନରେ କାମଠଣା ଗାଁର ରାଧାକାନ୍ତ ଜାନିଙ୍କ ଘରୁ ଚୋରି ହେବା ନେଇ ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ ଭିତ୍ତି କରି ସଦର ଥାନାର ଏକ ସ୍ୱତନ୍ତ୍ର ଟିମ ତଦନ୍ତ ଆରମ୍ଭ କରିବା ସହ ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ପରେ ଏହି ଘଟଣାରେ ସମ୍ପୃକ୍ତ 4 ଜଣ ଡକାୟତିଙ୍କୁ ପୋଲିସ ଗିରଫ କରିଛି । ତେବେ ଗିରଫ ଅଭିଯୁକ୍ତମାନେ ହେଉଛନ୍ତି ନବରଙ୍ଗପୁର ଜିଲ୍ଲାର ଗୋପାଳ ନାଏକ, ବୌଦ୍ଧ ଜିଲ୍ଲାର ନକୁଳ ବାଗ, ବଲାଙ୍ଗୀର ଜିଲ୍ଲାର ଅର୍ଜୁନ ପରାଭୋଏ ଓ କୁନୁ ଭୋଏ । ପୋଲିସ ୪ ଜଣ ଅଭିଯୁକ୍ତଙ୍କୁ ଅଧିକ ପଚରାଉଚରା ପରେ କୋର୍ଟ ଚାଲାଣ କରାଯାଇଥିବା ସଦର ଥାନା ଅଧିକାରୀ ସୂଚନା ଦେଇଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
