ଭବାନୀପାଟଣା: ଜିଲ୍ଲାର ଜୟପାଟଣା ବ୍ଲକ ପିପାଲଗୁଡା ଗାଁରେ ବିଦ୍ୟୁତ ସେବା (Electric Problem )ରୁ ବଞ୍ଚିତ ଗ୍ରାମବାସୀ । ୫ବର୍ଷ ହେଲା ବିଦ୍ୟୁତ ଖୁଣ୍ଟ ପୋତାଯାଇଥିଲେ ମଧ୍ୟ ବିଦ୍ୟୁତ ସଂଯୋଗ ହୋଇପାରୁନି । ଫଳରେ ବିଦ୍ୟୁତ ସେବାରୁ ବଞ୍ଚିତ ହୋଇ ଆନ୍ଦୋଳନକୁ ଓହ୍ଲାଇ ରାସ୍ତା ଅବରୋଧ (Roadblocks For Electric Problem) କଲେ ଗ୍ରାମବାସୀ । ଏନେଇ ବାରମ୍ବାର ସରକାରୀ ଅଧିକାରୀଙ୍କ ଠାରୁ ଆରମ୍ଭ କରି ନିର୍ବାଚିତ ପ୍ରତିନିଧିଙ୍କୁ ଅଭିଯୋଗ କଲେ ମଧ୍ୟ କେବଳ ମିଛ ପ୍ରିତଶୃତି ହିଁ ମିଳିଛି । ଏଥିରେ ଅତିଷ୍ଠ ହୋଇ ଶେଷରେ ଆନ୍ଦୋଳନର ପନ୍ଥା ଆପଣାଇଛନ୍ତି ଗ୍ରାମବାସୀ ।
ବିଦ୍ୟୁତ ସେବାରୁ ବଞ୍ଚିତ ହୋଇ ରାସ୍ତା ଅବରୋଧ କଲେ ପିପିଲଗୁଡା ଗ୍ରାମବାସୀ
ବିଦ୍ୟୁତ ସଂଯୋଗୀକରଣ ଦାବିରେ ଆଜି ସକାଳୁ ଜୟପାଟଣା ଭବାନୀପାଟଣା ରାଜ୍ୟ ରାଜପଥ ପିପାଲଗୁଡା ନିକଟରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ । ଫଳରେ ରାସ୍ତାର ଉଭୟ ପାର୍ଶ୍ଵରେ ଯାନବାହନ ଅଟକି ରହିଥିବାବେଳେ ଯାତାୟତ ବାଧାପ୍ରାପ୍ତ ହୋଇଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
