ଭବାନୀପାଟଣା: ଗ୍ରାମବାସୀଙ୍କ ଅଭିନବ ପ୍ରତିବାଦ । କଳାହାଣ୍ଡିରେ କାଦୁଅ ରାସ୍ତାର ଉପରେ ଧାନ ତଳି ରୋଇ ପ୍ରଶାସନର ଦୃଷ୍ଟି ଆକର୍ଷଣ ପାଇଁ ଗ୍ରାମବାସୀଙ୍କ ପ୍ରୟାସ ।
କାଦୁଅ ରାସ୍ତା ଉପରେ ଧାନ ରୋଇ ପ୍ରତିବାଦ କଲେ ଗ୍ରାମବାସୀ
ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ କେନ୍ଦୁମୁଣ୍ଡିରୁ ବାବେଜୋର ଗାଁ କୁ ସଂଯୋଗ କରୁଥିବା ରାସ୍ତାର ଅବସ୍ଥା ଅତ୍ୟନ୍ତ ଶୋଚନୀୟ ହୋଇପଡିଛି । ପ୍ରତିଦିନ ଗ୍ରାମବାସୀ ବାହାରକୁ ଯିବା ପାଇଁ ଏହି ରାସ୍ତା ଉପରେ ନିର୍ଭର କରିଥାନ୍ତି । ଆଣ୍ଠୁଏ କାଦୁଅରେ ଏ ରାସ୍ତା ଦେଇ ଲୋକେ ଯିବା ଆସିବା କରନ୍ତି । ରାସ୍ତାର ମରାମତି ପାଇଁ ଗୁହାରି କଲେ ପ୍ରଶାସନ କି ନେତା କେହି ଶୁଣୁନାହାଁନ୍ତି ।
ଅଳ୍ପ ବର୍ଷାରେ ରାସ୍ତାର ଅବସ୍ଥା ବେହାଲ ହୋଇପଡୁଥିବା ବେଳେ ଅଞ୍ଚଳବାସୀ ନିଜର ନିତିଦିନିଆ ଜୀବନ ଜୀବିକା ପାଇଁ ନିର୍ଭର କରୁଛନ୍ତି । ଏଥିପ୍ରତି ସରକାର ଦୃଷ୍ଟି ଦେବା ଜରୁରୀ ହୋଇପଡିଛି ।
କଳାହାଣ୍ଡିରୁ ଅଜିତ ସିଂ,ଇଟିଭି ଭାରତ
