କଳାହାଣ୍ଡି: ଜିଲ୍ଲାରେ ଅର୍ଥକାରୀ ଫସଲର ମାନ୍ୟତା ପାଇଛି ପିଆଜ ଚାଷ । ଗାଁ ହେଉକି ସହର ସବୁଠାରେ ପିଆଜର ଚାହିଦା ବେଶ ଅଧିକ । ପିଆଜ ଏକ ରୋଷେଇ ଘରର ପ୍ରମୁଖ ପରିବା । ହେଲେ ରାଜ୍ୟରେ ପିଆଜକୁ ନେଇ କେତେବେଳେ ଅଭାବ ଦେଖାଦିଏ ତ ଆଉ କେତେବେଳେ ପିଆଜ ଦର ଆଖିରୁ ଲୁହ ଗଡାଇ ଦିଏ । ହେଲେ ଜିଲ୍ଲାରେ ଯଥେଷ୍ଟ ପିଆଜ ଉତ୍ପାଦନ ହେଉଥିବାବେଳେ ଗୋଦାମ ଘରର ଅଭାବ ଯୋଗୁଁ ଅଭାବୀ ବିକ୍ରିର ଶିକାର ହେଉଛନ୍ତି ଚାଷୀ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସେପଟେ ପିଆଜ ଚାଷକୁ ଲୋକାଭିମୁଖୀ କରିବା ପାଇଁ ଅଣ୍ଟା ଭିଡିଛି ଜିଲ୍ଲାର ଜଳ ବିଭାଜିକା ମିଶନ ଓ ଉଦ୍ୟାନ ବିଭାଗ । ଏଥିପାଇଁ ବିଭାଗ ପକ୍ଷରୁ ଚାଷୀଙ୍କୁ ପଞ୍ଜୀକରଣ, ତାଲିମ, ବିହନ, ଗୋଦାମ ଘର, ଜଳସେଚନ ବ୍ୟବସ୍ଥା ପାଇଁ ସହାୟତା ଯୋଗାଇ ଦିଆଯାଇଛି । ଏହି ସବୁ ଯୋଜନା ମାଧ୍ୟମରେ ଚାଷୀ ରବି ଋତୁରେ ମଧ୍ୟ ପିଆଜ ଉତ୍ପାଦନ ପାଇଁ ସକ୍ଷମ ହେଇପାରୁଥିବା ଚାଷୀ ଓ ବିଭାଗୀୟ ଅଧିକାରୀ ପ୍ରକାଶ କରିଛନ୍ତି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
