ବାଇକ ଆରୋହୀଙ୍କୁ ଚାପି ଦେଲା ଟ୍ରକ, ଜଣେ ମୃତ ଅନ୍ୟଜଣେ ଗୁରୁତର

କଳାହାଣ୍ଡି ଜିଲ୍ଲା ଭବାନୀପାଟଣା ସହର କଲେଜ ଛକ ନିକଟରେ ଚାପାରେ ଜଣଙ୍କର ମୃତ୍ୟ ହୋଇଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି । ଅଧିକ ପଢନ୍ତୁ

ଭବାନୀପାଟଣା: କଳାହାଣ୍ଡି ଜିଲ୍ଲା ଭବାନୀପାଟଣା ସହରର କଲେଜ ଛକ ନିକଟରେ ସଡକ ଦୁର୍ଘଟଣା । ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି । ତେବେ ମୃତ ଯୁବକ ଜଣକ ମଦନପୁର ଗାଁର କୁଳମଣି ଧରୁଆ ବୋଲି ଜଣାପଡିଛି ।

ସୂଚନା ଅନୁଯାୟୀ, ବାଇକରେ ଦୁଇଜଣ ଯୁବକ ଭବାନୀପାଟଣାର ମଦନପୁରରୁ ରାମପୁର ପଟକୁ ଯାଉଥିବା ସମୟରେ ସାମ୍ନା ପଟୁ ଦ୍ରୁତ ଗତିରେ ଆସୁଥିବା ଏକ ଟ୍ରକ ଦୁଇ ଜଣ ବାଇକ ଆରୋହୀଙ୍କ ଉପରେ ଚଢ଼ି ଯାଇଥିଲା । ଫଳରେ ଜଣକ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କ ଅବସ୍ଥା ସଂକଟାପନ୍ନ ରହିଥିବା ଜଣାପଡିଛି । ତେବେ ଘଟଣା ସ୍ଥଳରେ ଟାଉନ ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଅନ୍ୟପଟେ ଗୁରୁତର ଯୁବକଙ୍କ ପରିଚୟ ମିଳି ପାରି ନଥିବା ନେଇ ପୋଲିସ ସୂଚନା ଦେଇଛି ।