କଳାହାଣ୍ଡି: ଶୁକ୍ରବାର ପ୍ରକାଶ ପାଇଛି ଓଜେଇ ପରୀକ୍ଷା ଫଳ । ଓଜେଇ ପରୀକ୍ଷା ଏଲଇ ଫାର୍ମାରେ ଟପ୍ପର ହୋଇଛନ୍ତି କଳାହାଣ୍ଡିର ଗୁଣାକାର ସାହୁ । ଗୁଣାକାରଙ୍କ ଘର ଜିଲ୍ଲାର କାର୍ଲାମୁଣ୍ଡା ବ୍ଲକ ଅନ୍ତର୍ଗତ ସରଗୁଲ ମାଲପଡା ଗ୍ରାମରେ । ବାପା ରମେଶ ସାହୁ ଓ ମାଁ ହରିପ୍ରିୟା ସାହୁ ପୁଅଙ୍କ ଏହି ସଫଳତାରେ ଖୁସିବ୍ୟକ୍ତ କରିଛନ୍ତି ।
ଗାଁ ମାଟିରୁ ହିଁ ନିଜର ପ୍ରାଥମିକ ଶିକ୍ଷା ଆରମ୍ଭ କରିଥିବା ଗୁଣାକାର, ପରୀକ୍ଷା ଫଳ ପ୍ରକାଶ ପାଇବା ପରେ ବେଶ ଉତ୍ସାହିତ ଅଛନ୍ତି । ଗୋଟିଏ ଚାଷୀ ପରିବାରରେ ଜନ୍ମ ହୋଇ ମଧ୍ୟ ଗୁଣାକାର ନିଜର ପରିଶ୍ରମ ବଳରେ ଏହି ସପଳତାର ଅଧିକାର ହେବା ସହ ପରିବାର ଓ ସ୍ଥାନୀୟ ଅଞ୍ଚଳର ଗୌରବ ବଢାଇଛନ୍ତି ।
ଭବିଷ୍ୟତରେ ମେଡ଼ିସିନ ରିସର୍ଚ୍ଚ କ୍ଷେତ୍ରରେ ଗୁରୁତ୍ବ ଦେବେ ଓ ସଫଳ ହେବେ ବୋଲି ଲକ୍ଷ୍ୟ ରଖିଛନ୍ତି ମେଧାବୀ ଗୁଣାକାର ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
