ନବବଧୂଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ

ସଦର ଥାନା ଅନ୍ତର୍ଗତ କାର୍ଲ୍ଲାସୋଡା ଗାଁର ଜଣେ ନବବଧୂଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ବାପଘର ପକ୍ଷରୁ ହତ୍ୟା ଅଭିଯୋଗ କରାଯାଇଛି ।

କଳାହାଣ୍ଡି: ସଦର ଥାନା ଅନ୍ତର୍ଗତ କାର୍ଲ୍ଲାସୋଡା ଗାଁର ଜଣେ ନବବଧୂଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ଜଣକ ଗାଁର ଜିତେନ୍ଦ୍ର ରଣାଙ୍କ ପତ୍ନୀ ସାବିତ୍ରୀ ରଣା ବୋଲି ଜଣାପଡିଛି । ଝିଅ ଘର ପକ୍ଷରୁ ଥାନାରେ ହତ୍ୟା ଅଭିଯୋଗ ହେବାପରେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି । ଏହାସହ ପୋଲିସ ମୃତ ସାବିତ୍ରୀଙ୍କ ସ୍ବାମୀଙ୍କୁ ଥାନାରେ ଅଟକ ରଖି ତଦନ୍ତ ଜାରିରଖିଛି ।

ଉଲ୍ଲେଖଯୋଗ୍ୟ, ଗତ 2 ମାସ ତଳେ ସାବିତ୍ରୀ କର୍ଲାସୋଡା ଗାଁର ଜିତେନ୍ଦ୍ର ରଣାଙ୍କୁ ବିବାହ କରିଥିଲେ ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ