କଳାହାଣ୍ଡି: ଭବାନୀପାଟଣା ସ୍ଥିତ ‘ପ୍ରୟାସ’ ଆଶ୍ରମ ଗୃହରେ ନାବାଳିକା ଅନ୍ତେବାସିନୀକୁ ଯୌନ ନିର୍ଯ୍ୟାତନା ଅଭିଯୋଗରେ ସଂସ୍ଥାର ମୁଖ୍ୟ ସରୋଜ ଦାଶଙ୍କୁ ଅଟକ ରଖିଛି ପୋଲିସ । ପୀଡିତାଙ୍କ ମାଙ୍କ ଅଭିଯୋଗ ଅନୁସାରେ ପୋଲିସ ତାଙ୍କୁ ଅଟକ ରଖି ପଚରାଉଚୁରା ଜାରି ରଖିଛି । ସେପଟେ ଅଭିଯୋଗକୁ ଭିତ୍ତିହୀନ ବୋଲି କହି ସଫେଇ ଦେଇଛନ୍ତି ସରୋଜ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଉପଜିଲ୍ଲାପାଳ ଓ ଭବାନୀପାଟଣା ଥାନା ଅଧିକାରୀ ଗତ ରାତିରେ ଅଚାନକ ଚଢାଉ କରି ତଦନ୍ତ କରିଥିଲେ । ସୂଚନା ଅନୁଯାୟୀ, ସଂସ୍ଥା ମୁଖ୍ୟ ସରୋଜ ଦୀର୍ଘ ଦିନ ହେଲାଣି ଅନ୍ତେବାସିନୀଙ୍କୁ ଯୌନ ନିର୍ଯ୍ୟାତନା ଦେଇ ଆସୁଥିବା ପୀଡିତାଙ୍କ ମା ବଲାଙ୍ଗୀର ଶିଶୁ ସୁରକ୍ଷା କମିଟି ନିକଟରେ ଅଭିଯୋଗ କରିଥିଲେ । ତାଙ୍କ ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ କରିଛି ପୋଲିସ ।
ଅନ୍ୟପଟେ ସଂସ୍ଥା ମୁଖ୍ୟ ଏହା ତାଙ୍କ ବିରୋଧରେ ଷଡଯନ୍ତ୍ର ଓ ସେ ଏନେଇ ଆଇନର ସାହାରା ନେବେ ବୋଲି କହିଛନ୍ତି।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
