ଭବାନୀପାଟଣା: ଘର ଭଡାରେ ଦେଇ ନାବାଳିକାଙ୍କୁ ଦୁଷ୍କର୍ମ କଲେ ଘର ମାଲିକ(Minor girl allegedly raped by landlord ) ! କଳାହାଣ୍ଡି ଜିଲ୍ଲା ଧର୍ମଗଡ଼ ସହରର ଜଗନ୍ନାଥପଡା ଅଞ୍ଚଳରୁ ଏଭଳି ସାଂଘାତିକ ଅଭିଯୋଗ ଆସିଛି । ଆଲୋକ ସେନାପତି ନାମକ ଜଣେ ବ୍ୟକ୍ତି ତାଙ୍କ ଘରେ ଭଡାରେ ରହୁଥିବା ଜଣେ ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏନେଇ ପୀଡିତା ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତ ଘର ମାଲିକଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଅଭିଯୋଗ ଅନୁଯାୟୀ, ଜଗନ୍ନାଥପଡାର ଆଲୋକ ସେନାପତିଙ୍କ ଘରର ଉପର ମହଲାରେ ୪ ଜଣ ନାବାଳିକା ଛାତ୍ରୀ ଭଡାରେ ରହୁଥିଲେ । ଗତକାଲି(ଶୁକ୍ରବାର) ସନ୍ଧ୍ୟାରେ ୪ ଜଣଙ୍କ ମଧ୍ୟରୁ ୩ ଜଣ ଛାତ୍ରୀ ନିଜ ଘରକୁ ଯାଇଥିଲେ । ଏହି ସମୟରେ ଅନ୍ୟ ଜଣେ ନାବାଳିକା ଘରେ ଏକାକୀ ଥିବାବେଳେ ଏହି ସୁଯୋଗରେ ଘର ମାଲିକ ତାଙ୍କ ରୁମ୍ରେ ପଶି ଦୁଷ୍କର୍ମ କରିଥିବା ନାବାଳିକା ଜଣକ ଧର୍ମଗଡ ଥାନାରେ ଅଭିଯୋଗ କରିଛନ୍ତି ।
ଏହାମଧ୍ୟ ପଢନ୍ତୁ: ଛାତ୍ରକୁ ଧରି ଟିଉସନ ଦିଦି ଫେରାର, ଥାନାରେ ପହଞ୍ଚିଲା ମାମଲା
ପୀଡିତାଙ୍କ ଅଭିଯୋଗକୁ ଭିତ୍ତି କରି ପୋଲିସ ଅଭିଯୁକ୍ତ ଆଲୋକ ସେନାପତିଙ୍କୁ ଘରୁ ଉଠାଇ ନେଇଥିଲା । ପୀଡିତାଙ୍କ ଡାକ୍ତରୀ ପରୀକ୍ଷା ପରେ ଅଭିଯୁକ୍ତକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
ଇଟିଭି ଭାରତ, କଳାହାଣ୍ଡି
