ଭବାନୀପାଟଣା: ଦାଦନ ଶ୍ରମିକଙ୍କ ହାତ ପାପୁଲି କଟା ଘଟଣାରେ ପ୍ରକାଶ ପାଇଲା ରାୟ । ୨୦୧୩ ମସିହା ବହୁ ଚର୍ଚ୍ଚିତ ଦାଦନ ଶ୍ରମିକଙ୍କୁ ହାତ ପାପୁଲି କଟା ଘଟଣାର ରାୟ ପ୍ରକାଶ କରିଛି ଧର୍ମଗଡ଼ ଅତିରିକ୍ତ ଜିଲ୍ଲା ଦୌରାଜର୍ଜ କୋର୍ଟ । ଦୋଷୀ ପର୍ଶୁରାମ ନାଏକଙ୍କୁ ୧୦ ବର୍ଷ ସଶ୍ରମ କାରାଦଣ୍ଡ ସହ ୧୫ ହଜାର ଟଙ୍କା ଜୋରିମାନା ନିର୍ଦ୍ଦେଶ ଦେଇଛନ୍ତି ଅତିରିକ୍ତ ଜିଲ୍ଲା ଦୌରା ଜର୍ଜ ବନ୍ଦନା କର ।
ଘଟଣାକ୍ରମ ଅନୁସାରେ, ୨୦୧୩ ମସିହାରେ ହାଇଦ୍ରାବାଦକୁ ଦାଦନ ଖଟିବାକୁ ଯାଇ ସେଠାରେ ନିର୍ଯାତନାର ଶିକାର ହେବା ପରେ ଦାଦନ ଦଲାଲଙ୍କ ଦ୍ଵାରା ନିଳାମ୍ବର ଧଙ୍ଗଡା ମାଝୀ ଓ ଦିଆଲୁ ନିଆଲ ଉଭୟଙ୍କ ହାତ ପାପୁଲିକୁ କାଟି ଦେଇଥିଲେ ଦଲାଲ ।
ଏହି ଘଟଣା ରେ ପୂର୍ବରୁ ୮ ଜଣ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ ଶୁଣାଇଥିଲେ କୋର୍ଟ । କିନ୍ତୁ ମୁଖ୍ୟ ଅଭିଯକ୍ତ ପର୍ଶୁରାମ ସେବେଠାରୁ ଫେରାର ଥିଲା । ପରେ ପୋଲିସ ପର୍ଶୁରାମକୁ ଗିରଫ କରି କୋର୍ଟ ଚାଲାଣ କରିଥିଲା । ଆଜି ଉକ୍ତ ଘଟଣାରେ ଶୁଣାଣି କରି କୋର୍ଟ ରାୟ ପ୍ରକାଶ କରିଛନ୍ତି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
