କଳାହାଣ୍ଡି: କଳାହାଣ୍ଡି ତ୍ରୀଲୋଚନପୁରରେ ମାଓ ପୋଷ୍ଟର ଦେଖିବାକୁ ମିଳିଛି । ବିଜେପୁର ଥାନା ଅନ୍ତର୍ଗତ ତ୍ରିଲୋଚନପୁର ଠାରୁ ଆମଗୁଡାକୁ ସଂଯୋଗ କରୁଥିବା ଥିବା ରାସ୍ତାରେ ଆଜି ଏକ ମାଓବାଦୀଙ୍କ ବ୍ୟାନର ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ବ୍ୟାନରରେ ପଞ୍ଚୟାତରେ ଚାଲିଥିବା ଅସ୍ଥାୟୀ ସିଆରପିଏଫ କ୍ୟାମ୍ପକୁ ବନ୍ଧ କରିବା, ଫାସିବାଦୀ ନୀତିକୁ ଦମନ ବନ୍ଦ କରିବା, ମାଓବାଦୀ ବିପ୍ଲବୀଙ୍କୁ ମିଛଗୁଳି ବିନିମୟ ରେ ହତ୍ୟା କରିବା ବନ୍ଦ କରାଯାଉ, କାଶ୍ମୀରବାସୀଙ୍କ ଉପରେ ଜୁଳୁମ ବନ୍ଦ କର, ଲାଞ୍ଜିଗଡ ଜନତାଙ୍କୁ ରାତି ଅଧିଆ ଗିରଫ କରିବା ବନ୍ଦ କରାଯାଉ ବୋଲି ଉଲ୍ଲେଖ ରହିଛି । ଏହି ବ୍ୟାନର ଓଡିଶା ରାଜ୍ୟ କମିଟି ସିପିଆଇ ମାଓବାଦୀ ଜାରି କରିଥିବା ଉଲ୍ଲେଖ ରହିଛି । ମାଓବାଦୀଙ୍କ ଏହି ବ୍ୟାନର ଲାଗିବାପରେ ଅଞ୍ଚଳରେ ଏକ ପ୍ରକାର ଭୟର ବାତାବରଣ ଜାରି ରହିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
