କଳାହାଣ୍ଡି: ସଡ଼କ ଦୁର୍ଘଟଣାରେ ବାଇକ୍ ଆରୋହୀ ମୃତ । ଏଭଳି ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା କାଷିବାହାଲ୍ ନିକଟରେ । ମୃତକ ବାଇକ ଆରୋହୀ ଜଣକ କଳାହାଣ୍ଡି ଜିଲ୍ଲା ଧର୍ମଗଡ଼ ଥାନା କନ୍ତେର ଗ୍ରାମର ସୁଜିତ୍ ସତନମି ବୋଲି ଜଣାପଡିଛି ।
ସଡ଼କ ଦୁର୍ଘଟଣାରେ ବାଇକ୍ ଆରୋହୀ ମୃତ
ସୂଚନା ଅନୁଯାୟୀ, ବୁଧବାର ସୁଜିତ୍ ବାଇକ୍ ଯୋଗେ ନିଜ ଗାଁରୁ ଧର୍ମଗଡ଼ ଆସୁଥିଲେ । ସେହି ସମୟରେ କାଷିବାହାଲ୍ ନିକଟରେ ଏକ ଟ୍ରକ ତାଙ୍କ ଉପରେ ଚଢି ଯିବାରୁ ଘଟଣା ସ୍ଥଳରେ ତାଙ୍କ ମୃତ୍ୟୁ ଘଟିଛି ।
ତେବେ ଘଟଣା ସ୍ଥଳରେ ପରିବାର ଲୋକେ ପହଞ୍ଚି ମୃତଦେହକୁ ରଖି ରାସ୍ତା ଅବରୋଧ କରିବା ସହ କ୍ଷତିପୂରଣ ଦାବି କରିଛନ୍ତି । ଏପଟେ ଘଟଣା ସ୍ଥଳରେ ଧର୍ମଗଡ଼ ପୋଲିସ ପହଞ୍ଚି ବୁଝାସୁଝା କରିବାକୁ ଚେଷ୍ଟା ଜାରି ରଖିଛି।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
