ଲକ୍ଷାଧିକ ଟଙ୍କାର ଶାଗୁଆନ କାଠ ଜବତ, 2 ଅଟକ

ମଦନପୁର ରାମପୁର ବ୍ଲକ ବୁରାଟ ଗାଁର ଏକ ଫାର୍ମ ହାଉସରେ ବନ ବିଭାଗର ଚଢାଉ । ଚଢାଉ ବେଳେ ଫାର୍ମ ହାଉସରୁ ଲକ୍ଷାଧିକ ଟଙ୍କାର ଶାଗୁଆନ କାଠ ଜବତ କରିଛି ଏହି ଟିମ୍‌ ।

କଳାହାଣ୍ଡି: ଜିଲ୍ଲାର ମଦନପୁର ରାମପୁର ବ୍ଲକ ବୁରାଟ ଗାଁର ଏକ ଫାର୍ମ ହାଉସରେ ବନ ବିଭାଗର ଚଢାଉ । କଳାହାଣ୍ଡି ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶକ୍ରମେ ବନାଞ୍ଚଳ ଅଧିକାରୀ ଏକ ସ୍ବତନ୍ତ୍ର ଟିମ ଗଠନ କରି ଏହି ଚଢାଉ କରିଥିଲେ ।

ଚଢାଉ ବେଳେ ଫାର୍ମ ହାଉସରେ ବେଆଇନ ଭାବେ ୩ଟି ପିକଅପ ଭ୍ୟାନରେ ୧୦୦ ଖଣ୍ଡ ଶାଗୁଆନ କାଠପଟ୍ଟା ସହ ଗଣ୍ଡି ଜବତ ହୋଇଛି । ତେବେ ଫାର୍ମ ହାଉସ ମାଲିକ ବାସୁଦେବ ନାଏକ ଫେରାର ରହିଥିବାବେଳେ ଟିମ୍‌ ତା'ର ବାପା ଏବଂ ପୁଅକୁ ଅଟକ ରଖି ତଦନ୍ତ କରୁଛି ।

କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ