ଭବାନୀପାଟଣା: ଦୁଇ ବାଇକ ମୁହାଁମୁହିଁ । ଜଣେ ମୃତ, ତିନି ଜଣ ଗୁରୁତର । କଳାହାଣ୍ଡି ଜିଲ୍ଲା ଜୟପାଟଣା ଥାନା ଖଲିଆଭଟା ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା । ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ତିନିଜଣ ଗୁରୁତର ଅବସ୍ଥାରେ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ସୂଚନା ଅନୁସାରେ କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଦାସିଗାଁ ସିର୍ଲିପଡ଼ା ଗ୍ରାମର କୁମର ବେମାଲ ଓ ସୁମେସର ଲୋହାର ଜୟପାଟଣା ପଟୁ ତାଙ୍କ ଗାଁ କୁ ଆସୁଥିବା ବେଳେ ଜୟପାଟଣା କାଦୋପଦର ଗ୍ରାମର ରାଜାରାମ ନାଗ ଓ ବିଶ୍ବ ଠାକୁର ବାନେର ପଟୁ ଜୟପାଟଣାକୁ ଯାଉଥିବା ସମୟରେ ଖଲିଆଭଟା ନିକଟରେ ମୁହାଁମୁହିଁ ଧକ୍କା ହୋଇଥିଲା । ପ୍ରଥମେ ଆହତଙ୍କୁ ଜୟପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା ।
ଜୟପାଟଣା ମେଡିକାଲରେ କୁମ ବେମାଲଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଜୟପାଟଣା ପୋଲିସ ପକ୍ଷରୁ ଏନେଇ ଏକ ମାମଲା ରୁଜୁକରି ଦୁର୍ଘଟଣାର ତଦନ୍ତ ଜାରି ରଖିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
