କଳାହାଣ୍ଡି: ବିଦ୍ୟାଳୟରେ ନକଲି ଭିଜିଲାନ୍ସ ଅଧିକାରୀ । ଶିକ୍ଷାଦାନ ଚାଲିଥିବା ବେଳେ ହଠାତ ସ୍କୁଲରେ ପଶି ଭିଜିଲାନ୍ସ ଅଧିକାରୀର ପରିଚୟ ଦେଇ ଚଢାଉ କଲେ । ଏହାସହ ବିଭିନ୍ନ କାଗଜ ପତ୍ର ମାଗି ଯାଞ୍ଚ ଆରମ୍ଭ କଲେ । ଶିକ୍ଷକଙ୍କୁ ମଧ୍ୟ ଆକ୍ରମଣ କରିବାକୁ ଉଦ୍ୟମ କଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଏପରି ଏକ ଘଟଣା ଘଟିଛି କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ନୋଡାଲ ପ୍ରାଥମିକ ବିଦ୍ୟାଳୟରେ । ସ୍କୁଲରେ ଶିକ୍ଷାଦାନ ଚାଲିଥିବା ବେଳେ ହଠାତ ଦୁଇଜଣ ଅଜଣା ବ୍ୟକ୍ତି ଆସି ନିଜକୁ ଭିଜିଲାନ୍ସ ଅଧିକାରୀ ପରିଚୟ ଦେଇ ଏମିତି କାଣ୍ଡ ଭିଆଇଛନ୍ତି । ପରେ ଗ୍ରାମବାସୀଙ୍କ ଠାରୁ ଖବର ପାଇ ମ. ରାମପୁର ପୋଲିସ ପହଞ୍ଚି ଉଭୟଙ୍କୁ ନିଜ ହେପାଜକୁ ନେଇଛି ।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁସାରେ ଉଭୟ ସତିଶ ଚନ୍ଦ୍ର ଜାଲଓ ସୁଧାକର ତ୍ରିପାଠୀ ବଲାଙ୍ଗୀର ଜିଲ୍ଲା ସଇଁତଲା ଅଞ୍ଚଳର ବୋଲି ଜଣା ପଡିଛି । ତେବେ କେଉଁ ଉଦ୍ଦେଶ୍ୟରେ ସେମାନେ ଏଭଲି କାଣ୍ଡ କଲେ ସ୍ପଷ୍ଟ ହୋଇନଥିଲେ ମଧ୍ୟ ପୋଲିସ ଘଟଣାର ତଦନ୍ତ କରୁଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
