କଳାହାଣ୍ଡି : ଗୋଲାମୁଣ୍ଡା ବ୍ଳକ୍ ଅନ୍ତର୍ଗତ ଧାମନପୁର ପଞ୍ଚାୟତ ଜାମଗୁଡାବାହାଲ ଗ୍ରାମର ବିଦେଶୀ ମଲିକ ବାରହା ଆକ୍ରମଣରେ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ ବିଦେଶୀ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବା ପାଇଁ ଯାଇଥିଲେ ।
ଭିଡିଓ ସୌଜନ୍ୟ : ସମ୍ବାଦଦାତା,କଳାହାଣ୍ଡି
ଜଙ୍ଗଲରେ କାଠ ସଂଗ୍ରହ କରୁଥିବା ବେଳେ ଏକ ଜଙ୍ଗଲୀ ବାରହା ଅତର୍କିତ ଭାବରେ ପଛପଟୁ ଆକ୍ରମଣ କରିଥିଲା । ବାରହାର ଆକ୍ରମଣରେ ବିଦେଶୀ ଗୁରୁତର ଆହତ ହୋଇଛନ୍ତି । ତାଙ୍କର ଜଙ୍ଘ ଓ ହାତରେ ଗଭୀର ଆଘାତ ଲାଗିଛି । ଏହି ସମୟରେ ଅନ୍ୟ ମାନେ ଖବରପାଇ ଗୁରୁତର ଅବସ୍ଥାରେ ଉଦ୍ଧାର କରି ତାଙ୍କୁ ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
