ଭବାନୀପାଟଣା: 'ଇଣ୍ଡିଆ ଟୁଡେ’ ପତ୍ରିକା ଦ୍ବାରା ଗତ ୫ବର୍ଷ ଧରି ସର୍ବେକ୍ଷଣ କରାଯାଇଛି । ଏଥିରେ ଅର୍ଥନୀତି, ଭିତ୍ତିଭୂମି, କୃଷି, ଶିକ୍ଷା, ସ୍ୱାସ୍ଥ୍ୟ, ଆଇନଶୃଙ୍ଖଳା, ସାମାଜିକ ସୁରକ୍ଷା, ନାରୀ ଶିକ୍ଷା ଉଦ୍ୟୋଗ, ଦକ୍ଷତା ବିକାଶ, ଡିଜିଟାଲ କଭରେଜ ଓ ପରିମଳ ବ୍ୟବସ୍ଥା ଆଦି ବିଭିନ୍ନ ବର୍ଗ ରହିଛି । ଏସମସ୍ତ ବର୍ଗ ଗୁଡିକରେ ବିଚାର କରି ଶ୍ରେଷ୍ଠ ପ୍ରଦର୍ଶନକାରୀ ଜିଲ୍ଲାକୁ ପୁରସ୍କୃତ କରାଯାଇଛି ।
ଏହି ପରିପ୍ରେକ୍ଷୀରେ କଳାହାଣ୍ଡି ଜିଲ୍ଲାପାଳଙ୍କୁ ପୁରସ୍କାର ପ୍ରଦାନ କରାଯାଇଛି । କଳାହାଣ୍ଡି ଜିଲ୍ଲା ପରିମଳ ବର୍ଗରେ ରାଜ୍ୟରେ ୧ ନମ୍ବର ଜିଲ୍ଲା ଭାବେ ପୁରସ୍କୃତ କରାଯାଇଛି । ଭୁବନେଶ୍ବର କିଟ୍ ପ୍ରେକ୍ଷାଳୟରେ ଏହି ପତ୍ରିକା ଦ୍ବାରା ଆୟୋଜିତ ଷ୍ଟେଟ ଅଫ୍ ଦି ଓଡ଼ିଶା ଷ୍ଟେଟ କନକ୍ଲେଭରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟଅତିଥି ଭାବେ ଯୋଗ ଦେଇଥିଲେ । ସେହିପରି ଅନ୍ୟତମ ଅତିଥି ଭାବେ ମୁଖ୍ୟଶାସନ ସଚିବ ସୁରେଶ ମହାପାତ୍ର ଯୋଗଦେଇ କଳାହାଣ୍ଡି ଜିଲ୍ଲାପାଳ ଡ.ଗାଭାଲି ପରାଗ ହର୍ଷଦଙ୍କୁ ପୁରସ୍କୃତ କରିଥିଲେ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
