ଭବାନୀପାଟଣା: କଳାହାଣ୍ଡିରେ ହାଥରସ ଝଡ । ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବିରେ ପଦଯାତ୍ରା କରାଯାଇଛି । ସମାଜରେ ବଢୁଥିବା ପ୍ରତିବାଦରେ କଳାହାଣ୍ଡିର କେସିଙ୍ଗା ବ୍ଲକ ତୁର୍ଲାଖମନ ଗାଁର 3 ଜଣ ଯୁବକଙ୍କ ନେତୃତ୍ବରେ କେତେକ ଯୁବକ ଓ ଯୁବତୀଙ୍କୁ ନେଇ ଭବାନୀପାଟଣା ଯାଏଁ ପ୍ରାୟ 50 କିମି ପଦଯାତ୍ରା ଆସି ରାଷ୍ଟ୍ରପତିଙ୍କୁ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି । ସେମାନେ ହେଲେ ପ୍ରମୋଦ ସାହୁ, ସରୋଜ ସାହୁ ଓ ଯୋଶବନ୍ତ ରଣା ।
ସମାଜ ଧୀରେ ଧୀରେ କଳୁଷିତ ହେଉଛି । ଦେଶର ବିଭିନ୍ନ ପ୍ରାନ୍ତରୁ ଦୁଷ୍କର୍ମ ଘଟଣା ସାମ୍ନାକୁ ଆସୁଛି । ଯେଉଁମାନେ ଏହି ବର୍ବର କାଣ୍ଡ ଘଟାଉଛନ୍ତି ସମସ୍ତଙ୍କ ଘରେ ମା’ ଭଉଣୀ ଅଛନ୍ତି । ତଥାପି ସେମାନେ ଏହି କାଣ୍ଡ ଭିଆଇଲାବେଳେ କିପରି ଭୁଲି ଯାଉଛନ୍ତି ବୋଲି ପ୍ରତିବାଦକାରୀ କହିଛନ୍ତି । ତେଣୁ ସେମାନଙ୍କର ପ୍ରଥମ ଦାବି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଏବଂ ସମାଜରେ ସଂସ୍କାର ଆଣିବାକୁ ଏ ପଦଯାତ୍ରା ବୋଲି କହିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
