ଭବାନୀପାଟଣା: ନାବାଳିକାର ଅଶାଳୀନ ଭିଡିଓ ରେକର୍ଡ କରି ଭାଇରାଲ କରିବା ଅଭିଯୋଗରେ ୫ ଅଭିଯୁକ୍ତ ଗିରଫ । କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକା ଗାଧୋଇବା ସମୟରେ ଭିଡିଓ ରେକର୍ଡ କରି ପ୍ରଥମେ ବ୍ଲାକମେଲିଂ ଓ ପରେ ଭିଡିଓ ଭାଇରାଲ କରିବା ନେଇ ନାବାଳିକାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ କରିଥିଲା ଲାଞ୍ଜିଗଡ଼ ପୋଲିସ ।
ଆଜି(ଗୁରୁବାର) ଘଟଣାରେ ସମ୍ପୃକ୍ତ ୫ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ଗଞ୍ଜାମ ଜିଲ୍ଲାର ରଞ୍ଜିତ ଯାନୀ, ରାୟଗଡା ଜିଲ୍ଲାର କୈଳାଶ କୌଶଳ, ନିରାକାର ନିରାଜନ ଗଉଡ଼ ଓ ଲାଞ୍ଜିଗଡ଼ର ମଧୁସୂଦନ ଗଉଡ଼ ବୋଲି ଜଣାପଡିଛି ।
ଗିରଫ ଅଭିଯୁକ୍ତଙ୍କ ଠାରୁ ୫ଟି ମୋବାଇଲ ଫୋନ ଜବତ କରିବା ସହ ଅଧିକ ପଚାରାଉଚୁରା ପରେ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ନେଇ ପୋଲିସ ସୂଚନା ଦେଇଛି ।
ଇଟିଭି ଭାରତ, କଳାହାଣ୍ଡି
