ଭବାନୀପାଟଣା : ଜଳ ଯୋଗାଣ ପାଇଁ ମୁଖ୍ୟ ନିର୍ମାଣ ଯନ୍ତ୍ରୀଙ୍କ ଦ୍ବାରସ୍ଥ ହେଲେ ଚାଷୀ । ଚଳିତ ବର୍ଷ ଉପର ଇନ୍ଦ୍ରାବତୀ ଜଳଭଣ୍ଡାରର ଜଳସ୍ତର ୬୪୨ ମିଟରରୁ ୬୩୪ ମିଟରକୁ ଛୁଇଁଥିଲା। ବର୍ତ୍ତମାନ ସ୍ଥିତିରେ ୬୩୨.୬ ମିଟର ଜଳସ୍ତର ରହିଛି । ଗତ ବର୍ଷ ଡିସେମ୍ବର ମାସ ଶେଷ ସୁଦ୍ଧା ଜଳସ୍ତର ୬୩୭.୩୮ ରହିଥିଲା । ଏହି ସର୍ବନିମ୍ନ ଜଳସ୍ତରକୁ ନେଇ ସୀମିତ ଅଞ୍ଚଳକୁ ଜଳ ଯୋଗାଣ ପାଇଁ ପ୍ରଥମେ ଜଳସେଚନ ବିଭାଗ ନିଷ୍ପତ୍ତି ନେଇଥିଲା । କିନ୍ତୁ ପରବର୍ତ୍ତୀ ସମୟରେ ଚାଷୀଙ୍କ ଦାବିକ୍ରମେ ୪୨ କିମି ପୋଡ଼ବେଡା ଗେଟ ପର୍ଯ୍ୟନ୍ତ ୧୮,୬୮୦.୮୩ ହେକ୍ଟର ଚାଷଜମିକୁ ଜଳ ଯୋଗାଣ ହେବ ବୋଲି ଜଣାପଡ଼ିଛି ।
ତେବେ ଜଳ ଯୋଗାଣରୁ ବାଦ ପଡୁଥିବା ଜୟପାଟଣା, କଲମପୁର ଅଞ୍ଚଳରେ ଚାଷୀ ଆଜି( ରବିବାର) ମୁଖ୍ୟ ନିର୍ମାଣ ଯନ୍ତ୍ରୀଙ୍କ ଦ୍ୱାରସ୍ତ ହୋଇଛନ୍ତି। ଇନ୍ଦ୍ରାବତୀ ଜଳ ଯୋଗାଣ ପ୍ରକଳ୍ପ ଉପରେ ନିର୍ଭର କରୁଥିବା ଏଠାକାର ଲୋକଙ୍କ ଚାଷ ହିଁ ଜୀବନ ଜୀବିକା । ତେଣୁ ଜଳ ଯୋଗାଣ ନ ହେଲେ । ଆଗାମୀ ଦିନରେ ଲୋକଙ୍କ ଆର୍ଥିକ ଅବସ୍ଥା ସଙ୍କଟାପନ୍ନ ହେବା ବୋଲି ଚାଷୀ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି। ଏହାସହ ବିଭାଗର ନିଷ୍ପତ୍ତିର ପୁନଃ ବିଚାର କରିବା ପାଇଁ ଦାବିପତ୍ର ପ୍ରଦାନ କରିଛନ୍ତି।
କଳାହାଣ୍ତିରୁ ଅଜିତ କୁମାର ସିଂ, ଇଟିଭି ଭାରତ
