ଭବାନୀପାଟଣା: କଳାହାଣ୍ଡି ଜିଲ୍ଲାରେ ପୁଣି କୋରୋନା ଚିହ୍ନଟ । ଧର୍ମଗଡ ଏସଡିଜେଏମ କୋର୍ଟର ଜଣେ ଅଧିକାରୀ କୋରୋନା ଆକ୍ରାନ୍ତ । ଅଧିକାରୀଙ୍କ ନିକଟରେ କୋରୋନା ଲକ୍ଷଣ ପରେ ସ୍ବାବ ଟେଷ୍ଟ କରାଯାଇଥିଲା । ଶନିବାର ରିପୋର୍ଟ କୋରୋନା ପଜିଟିଭ ଆସିଛି ।
ଆକ୍ରାନ୍ତ ଅଧିକାରୀ ଜଣଙ୍କୁ ଜିଲ୍ଲା କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି । କଣ୍ଟାକ୍ଟ ଟ୍ରେସିଂ ପ୍ରକ୍ରିୟା ଆରମ୍ଭ ହୋଇଯାଇଛି । ସେପଟେ ସଂକ୍ରମଣକୁ ଦେଖି ଧର୍ମଗଡ କୋର୍ଟ ପରିସରକୁ ଆସନ୍ତା 20 ତାରିଖ ଯାଏଁ ବନ୍ଦ ରଖାଯାଇ ସାନିଟାଇଜ କରାଯିବ । ଏନେଇ ଜିଲ୍ଲା ଦୌରା ଜଜ୍ ଙ୍କ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି।
ବର୍ତ୍ତମାନ ସୁଦ୍ଧା ଜିଲ୍ଲାରେ ୮୬ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ୭୯ ଜଣ ସୁସ୍ଥ ହୋଇଛନ୍ତି ଏବଂ ୭ ଜଣ ଜିଲ୍ଲା କୋଭିଡ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଜିଲ୍ଲାରେ କୋରୋନା ଆକ୍ରାନ୍ତଙ୍କ ସୁସ୍ଥ ହାର ପ୍ରାୟ ୯୩ ପ୍ରତିଶତ ଥିବା ନେଇ ପ୍ରଶାସନର ସୂଚନା ଜିଲ୍ଲାବାସୀଙ୍କୁ ଏକ ପ୍ରକାର ଆଶ୍ବସ୍ତି ଦେଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
