ସାଇକେଲକୁ ପିଟି ବାଇକ ଆରୋହୀ ମୃତ

କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ଦର୍ଲିପଡା ଛକରେ ବାଇକ ଓ ସାଇକେଲ ଧକ୍କା । ଘଟଣାସ୍ଥଳରେ ହିଁ ବାଇକ ଆରୋହୀଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ...

ଭବାନୀପାଟଣା: କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ଦର୍ଲିପଡା ଛକରେ ବାଇକ ଓ ସାଇକେଲ ମଧ୍ୟରେ ଧକ୍କା । ଭୁର୍ଷାଗୁଡା ପଟୁ ଆସୁଥିବା ଏକ ବାଇକ ବିପରୀତ ଦିଗରୁ ଆସୁଥିବା ଏକ ସାଇକେଲ ସହ ବାଡେଇ ହୋଇଥିଲା । ଘଟଣାସ୍ଥଳରେ ହିଁ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତ ବାଇକ ଆରୋହୀ ହେଲେ ମୁଗୁନାପଦର ଗାଁର ପ୍ରଦୀପ ନାଗ।

ସେପଟେ, ଦୁର୍ଘଟଣାରେ ସାଇକେଲ ଚାଳକ ଗୁରୁତର ହୋଇ କୋକସରା ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାପଡିଛି । ଖବର ପାଇ ଆମପାଣି ପୋଲିସ ଘଟଣା ସ୍ଥଳରେ ପହଞ୍ଚି ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ