ଭବାନୀପାଟଣା: ସହରରେ ଭାଲୁ ଆତଙ୍କ । ବିଳମ୍ବିତ ରାତିରେ ଭବାନୀପାଟଣା ସହରର ରାଜରାସ୍ତାରେ ଦେଖିବାକୁ ମିଳିଛି ଜଙ୍ଗଲୀ ଭାଲୁ । ବନ ବିଭାଗର ଉଦ୍ୟମ ସତ୍ତ୍ବେ ଏପର୍ଯ୍ୟନ୍ତ ମଧ୍ୟ ଭାଲୁଟି କାବୁ ହୋଇପାରିନାହିଁ ବୋଲି ଜଣାପଡିଛି ।
ଭବାନୀପାଟଣାରେ ଭାଲୁ ଆତଙ୍କ
ଗତକାଲି ବିଳମ୍ବିତ ରାତିରେ ଲୋକମାନେ ଭାଲୁକୁ ଦେଖିବା ପରେ ବନ ବିଭାଗକୁ ଖବର ଦେଇଥିଲେ । ସକାଳୁ ବନ ବିଭାଗ ଦ୍ବାରା ପାଣି ଓ ଗ୍ୟାସ ପ୍ରୟୋଗ କରି ଭାଲୁକୁ ଧରିବାକୁ ଉଦ୍ୟମ କରାଯାଉଛି । ତେବେ ବର୍ତ୍ତମାନ ସୁଦ୍ଧା ଭାଲୁଟି ଧରାପଡିନାହିଁ ।
ସେପଟେ ଏହି ସମୟରେ ଜଣଙ୍କୁ କାମୁଡି ଗୁରୁତର ମଧ୍ୟ କରିଛି । ତେବେ ସପ୍ତାହ ମଧ୍ୟରେ ସହରରେ ଦୁଇ ଦୁଇ ଥର ଭାଲୁ ଦେଖାଯିବା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।
ସୂଚନାଥାଉକି, ଗତ 15 ତାରିଖ ମଧ୍ୟ ଭାଲୁ ସହରରେ ପଶି ବନ ବିଭାଗ ଓ ପୋଲିସକୁ 3 ଘଣ୍ଟାକାଳ ନାକେଦମ କରିଥିଲା । ତେବେ ସହର ପାର୍ଶ୍ଵ ଜଙ୍ଗଲର ଅବକ୍ଷୟ ତଥା ପୋଡୁ ଚାଷ ପାଇଁ ଜଙ୍ଗଲୀ ଭାଲୁ ସହର ମୁହାଁ ହେଉଛନ୍ତି ବୋଲି କୁହାଯାଉଛି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
