ଭବାନୀପାଟଣା: ଟିଡିସିସି ଭବାନୀପାଟଣା ଶାଖା ଆନୁକୂଲ୍ୟରେ ଜିଲ୍ଲା ପ୍ରଶାସନ ସହାୟତାରେ ଲଘୁ ବନଜାତ ଦ୍ରବ୍ୟ ସଂଗ୍ରହ ନିମନ୍ତେ ପ୍ରଚାର ପ୍ରସାର ପାଇଁ ଏକ ପ୍ରଚାର ରଥ ଶୁଭାରମ୍ଭ କରାଯାଇଛି । ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ଶ୍ରୀଚନ୍ଦନ, ପ୍ରକଳ୍ପ ପ୍ରଶାସକ ଆଇଟିଡିଏ ବିରଞ୍ଚି ନାରାୟଣ ଦରବାନ, ଶାଖା ପରିଚାଳକ ଟିଡିସିସି ନବଘନ ପ୍ରଧାନଙ୍କ ଉପସ୍ଥିତରେ ରଥର ଶୁଭାରମ୍ଭ କରିଥିଲେ ।
ବର୍ତ୍ତମାନ ମହାମାରୀ କୋରୋନା ଯୋଗୁଁ ଯେଉଁ ଆଦିବାସୀ ଭାଇ ଭଉଣୀମାନେ ନିଜର ସଂଗୃହିତ ବନଜାତ ଦ୍ରବ୍ୟ ବିକ୍ରୟ କରିବାକୁ ସଫଳ ହୋଇପାରୁ ନାହାଁନ୍ତି, ସେମାନଙ୍କୁ ସଚେତନ ଏବଂ ଦ୍ରବ୍ୟଗୁଡିକୁ ସରକାରୀ ମୂଲ୍ୟରେ କିଣିବା ନିମନ୍ତେ ଜିଲ୍ଲା ପ୍ରଶାସନ ପଦକ୍ଷେପ ନେଇଛନ୍ତି । ରଥଟି ସମସ୍ତ ବ୍ଲକ ଗ୍ରାମପାଞ୍ଚାୟତ ଏବଂ ଗ୍ରାମ ଭ୍ରମଣ କରି ସଚେତନତା ସୃଷ୍ଟି କରିବା ଲକ୍ଷ୍ୟ ରଖାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
