ଭବାନୀପାଟଣା: ନାହିଁ କିଛି ତା'ର ବାସ, ହେଲେ ଶରତ ଆସିଲେ ଦୁନିଆ ଖୋଜେ ତା ହସ । ସେ ହସିଲେ ଲାଗେ ଯେପରି ଦୁର୍ଗା ମା' ଧରା ପୃଷ୍ଠରେ ଅବତାରଣ କରିବାକୁ ସଜେଇ ହେଉଛନ୍ତି । ସେ ଆଉ କେହିଁ ନୁହେଁ, ଧୋବ ଫର ଫର ସୁନ୍ଦରୀ କାଶତଣ୍ଡୀ । ଶରତର ନୀଳ ଆକାଶରେ ଧଳା ବାଦଲ ଖଣ୍ଡ ଯେପରି ଦୋଳି ଖେଳୁଛି ଠିକ୍ ସେହିପରି ମାଟି ମା ଉପରେ ନୀଳ ଶାଢୀ ସାଙ୍ଗରେ ଧଳା ଚାଦରେ ଘୋଡାଇ ନାଚୁଛି କାଶତଣ୍ଡୀ ।
କାଶତଣ୍ଡୀ ଫୁଟିଲେ ସୂଚାଇ ଦିଏ ମା ଧରାପୃଷ୍ଠକୁ ଆସିବା ପାଇଁ ସତେଯେମିତି ସଜେଇ ହେଉଛନ୍ତି । ଆଉ ଧରଣୀ ରାଣୀ ଶୁଭ୍ର ଶାଢ଼ୀ ପିନ୍ଧି ମାଙ୍କ ସ୍ୱାଗତ ପାଇଁ ଅନାଇ ବସିଛି । କାଶତଣ୍ଡୀ ପବନରେ ଯେତିକି ଜୋରରେ ହସି ଦୋଳିଖେଳୁଛି ଖରାରେ ସେତିକି ଚକଚକ କରୁଛି । ସେଇଥିପାଇଁ ତ କବି ଲେଖକ ଟିକିଏ ଅଧିକ ଭାବୁକ ହୋଇପଡିଛନ୍ତି । କାଶତଣ୍ଡୀ ଏମାନଙ୍କ କଲମମୁନକୁ ଅଧିକ ଚଳ ଚଞ୍ଚଳ କରୁଛି ।
ସତରେ କାଶତଣ୍ଡୀର ଏ ଅପୂର୍ବ ସମ୍ଭାର ଦେଖି କେବଳ କବି କି ଭାବୁକ ନୁହଁନ୍ତି ସାଧାରଣ ଜନତାଟିଏ ବି ଆନମନା ହୋଇପଡୁଛି । ଶରତରେ କାଶତଣ୍ଡୀ ସୂଚେଇ ଦେଉଛି ଏ ସାଧାରଣ ସମୟ ନୁହେଁ ଏ ପାର୍ବଣ ବେଳ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
