କଳାହାଣ୍ଡି: ଘର ନିର୍ମାଣ ପାଇଁ ସରକାରୀ ସହାୟତା ପ୍ରଦାନ ପ୍ରତିଶୃତି ଦେଇ ଯୌନ ଶୋଷଣ କରିବା ଅଭିଯୋଗରେ ଗିରଫ ହେଲେ ସରପଞ୍ଚ । ଏପରି କିଛି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ମଦନପୁର ରାମପୁର ଥାନା ଅନ୍ତର୍ଗତ ସାଲେପାଲି ପଞ୍ଚାୟତରେ । ଘଟଣାରେ ସାଲେପାଲି ସରପଞ୍ଚ ରମେଶ ଚନ୍ଦ୍ର ସାହୁଙ୍କୁ ଗିରଫ କରିଛି ପୋଲିସ ।
ଗିରଫ ହେଲେ ରସିକିଆ ସରପଞ୍ଚ।
ସୂଚନା ଅନୁଯାୟୀ ସରକାରୀ ଘର ଦେବା ନାଁରେ ସରପଞ୍ଚ ଜଣେ ଶାରୀରିକ ସମ୍ପର୍କ ରଖିଥିବା ଅଭିଯୋଗ ଗତ ୧୯ ତାରିଖ ଦିନ ସାମ୍ନାକୁ ଆସିଥିଲା । ଅଭିଯୋଗକୁ ଆଧାର କରି ତଦନ୍ତ ଆରମ୍ଭ କରିଥିଲା ମଦନପୁର ରାମପୁର ପୋଲିସ । ପ୍ରାଥମିକ ତଦନ୍ତରୁ ଘଟଣାରେ ସତ୍ୟତା ଥିବା ସହ କିଛି ପ୍ରମାଣ ମିଳିବାରୁ ଅଭିଯୁକ୍ତ ସରପଞ୍ଚ ରମେଶ ଚନ୍ଦ୍ର ସାହୁଙ୍କୁ ଗିରଫ କରି ଅଧିକ ପଚରା ଉଚରା ପରେ ପୋଲିସ କୋର୍ଟ ଚାଲାଣ କରିଥିବା ଜଣାପଡିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
