କଳାହାଣ୍ଡି: ପୁଣି କଳାହାଣ୍ଡିରେ ଦେଖିବାକୁ ମିଳିଛି ମାଓବାଦୀ ପୋଷ୍ଟର । ଏହି ପୋଷ୍ଟର ମାଧ୍ୟମରେ ମାଓବାଦୀ ନିଜର ସ୍ଥିତି ଜାହିର କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
କଳାହାଣ୍ଡି ଜିଲ୍ଲାର ବିଶ୍ବନାଥପୁର ଥାନା ସହର ମଧ୍ୟରେ ଥିବା ବିଜେପୁର ଛକରେ ସିପିଆଇ ମାଓବାଦୀ ବାଶଧାରା-ଘୁମୁସର-ନାଗାବଳୀ କମିଟି ପକ୍ଷରୁ ଏହି ପୋଷ୍ଟର ଲଗାଯାଇଥିବା ବେଳେ ପୋଷ୍ଟରରେ ସ୍ଥାନୀୟ ଅଞ୍ଚଳର କିଛି ନେତାଙ୍କୁ ଆଗାମୀ ଦିନରେ ଦଣ୍ଡିତ କରାଯିବା ନେଇ ଉଲ୍ଲେଖ କରାଯାଇଛି ।
ତେବେ ସ୍ପଷ୍ଟ ଭାବରେ କାହାରି ନା ଉଲ୍ଲେଖ କରାଯାଇ ନଥିବା ବେଳେ ପୋଷ୍ଟରର ସତ୍ୟତାକୁ ନେଇ କଳାହାଣ୍ଡି ପୋଲିସ ପକ୍ଷରୁ ତଦନ୍ତ ଜାରି ରହିଛି।
କଳାହାଣ୍ଡିରୁ ଅଜିତ୍ କୁମାର ସିଂ, ଇଟିଭି ଭାରତ
