ମାର୍ବଲ ପଥର ତଳେ ଚାପି ହୋଇ ଶ୍ରମିକ ମୃତ

କଳାହାଣ୍ଡି ଜିଲ୍ଲା ସଦର ଥାନା ଅନ୍ତର୍ଗତ ବାନ୍ଦୋପଲା ନିକଟରେ ଥିବା ଏକ ମାର୍ବଲ ଗୋଦାମରୁ ଶ୍ରମିକଙ୍କ ମୃତଦେହ ଉଦ୍ଧାର କରିଛି ସଦର ଥାନା ପୋଲିସ । ମୃତ ଶ୍ରମିକ ଜଣକ ହେଲେ ସଦର ଥାନା ଅନ୍ତର୍ଗତ କଛାରପଦର ଗାଁର ରୋହିତ ନାଏକ । ଅଧିକ ପଢନ୍ତୁ...

ଭବାନୀପାଟଣା: କଳାହାଣ୍ଡି ଜିଲ୍ଲା ସଦର ଥାନା ଅନ୍ତର୍ଗତ ବାନ୍ଦୋପଲା ନିକଟରେ ଥିବା ଏକ ମାର୍ବଲ ଗୋଦାମରୁ ଶ୍ରମିକଙ୍କ ମୃତଦେହ ଉଦ୍ଧାର କରିଛି ସଦର ଥାନା ପୋଲିସ । ମୃତ ଶ୍ରମିକ ଜଣକ ହେଲେ ସଦର ଥାନା ଅନ୍ତର୍ଗତ କଛାରପଦର ଗାଁର ରୋହିତ ନାଏକ ।

ସୂଚନା ଅନୁଯାୟୀ, ଶୁକ୍ରବାର ରୋହିତ ଟ୍ରକରେ ଥିବା ମାର୍ବଲକୁ ଓହ୍ଲାଇବା ସମୟରେ ଦୁର୍ଭାଗ୍ୟବଶତଃ ମାର୍ବଲ ତାଙ୍କ ଉପରେ ପଡିଯାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ନେଇ ପୋଲିସ ସୂଚନା ଦେଇଛି ।

ଖବର ପାଇ ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ