କଳାହାଣ୍ଡି: ଜିଲ୍ଲାରେ ଖେଳିଯାଇଛି ଚାଞ୍ଚଲ୍ୟ । ଗାଁ ରାସ୍ତାରେ ଘଟିଛି ଗଣହତ୍ୟା । ଆଜି ରାତି 8ଟାରେ ପୋଲିସ ଉଦ୍ଧାର କରିଛି 4 ଜଣଙ୍କମୃତଦେହ ।
ସୂଚନାନୁସାରେ ଜୟପାଟଣା ଥାନା ଅନ୍ତର୍ଗତ ପଲସ ପିପଲଗୁଡା ରାସ୍ତାରୁ 4 ଜଣଙ୍କ ମୃତଦେହ ଉଦ୍ଧାର ହୋଇଛି । ଏମାନଙ୍କ ମଧ୍ୟରୁ 3 ଜଣ ଗୋଟିଏ ପରିବାରର ବୋଲି ପୋଲିସ ସୂଚନା ଦେଇଛି । ଏମାନେ ହେଲେ ସୁଦର ନାଏକ, ଲିଙ୍ଗ ନାଏକ ଏବଂ ନକୁଳ ନାଏକ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଆଉ ଜଣେ ମୃତକ ଉପି ଶବର ବୋଲି ସୂଚନା ରହିଛି । ସମସ୍ତଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଛି ବୋଲି ପୋଲିସ ସୂଚନା ଦେଇଛି । ହତ୍ୟାର କାରଣ ଅସ୍ପଷ୍ଟ ରହିଛି । ଘଟଣାସ୍ଥଳରେ ପହଞ୍ଚି ଜୟପାଟଣା ପୋଲିସ ତଦନ୍ତ ଆରମ୍ଭ କରିଛି ।
କଳାହାଣ୍ଡିରୁ ଅଜିତ ସିଂହ, ଇଟିଭି ଭାରତ
