ଝାରସୁଗୁଡ଼ା: ଲାଇକେରା ଗ୍ରାମର 6 ନମ୍ବର ୱାର୍ଡ ଲାଇକେରା ନୋଡାଲ ସ୍କୁଲରେ ଭୋଟଗ୍ରହଣ ବେଳେ ତ୍ରୁଟି ଦେଖାଦେଇଥିବା ପଦ୍ମାବତୀ ମେହେର ନାମକ ଜଣେ ମହିଳା ଅଭିଯୋଗ କରିଛନ୍ତି । ତାଙ୍କ ଅଭିଯୋଗ ଅନୁଯାୟୀ, ସେ ନିଜର ଭୋଟ ଦେବା ପାଇଁ ଭୋଟ ଗ୍ରହଣ କେନ୍ଦ୍ରାକୁ ୧ ଘଣ୍ଟା ପୂର୍ବରୁ ଆସି ଲାଇନରେ ଛିଡା ହୋଇଥିଲେ ।
ମହିଳାଙ୍କ ସାଙ୍ଘାତିକ ଅଭିଯୋଗ: ମୋ ଭୋଟ ଦେଲା କିଏ ?
ତେବେ ତାଙ୍କ ନମ୍ବର ଆସିବା ପରେ ସେ ଯେତେବେଳେ ଭୋଟ ଦେବାପାଇଁ କେନ୍ଦ୍ରକୁ ଗଲେ ତାଙ୍କର ଭୋଟ ଦିଆସରିଥିବା ସେଠାରେ ଥିବା ପ୍ରିଜାଇଡିଂ ଅଫିସର କହିଥିଲେ l ତେବେ ମହିଳା ଜଣକ ଭୋଟ ଦେଇନଥିବା ବେଳେ ତାଙ୍କର ଭୋଟ କିଏ ଦେଇଛି ସେନେଇ ଦ୍ୱନ୍ଦ୍ୱରେ ଅଛନ୍ତି l ଅନ୍ୟପଟେ ତାଙ୍କର ମତଦାନ ଆଉ କେହି କରିଦେଇଥିବାରୁ ସେ ଦୁଃଖିତ ଅଛନ୍ତି ଏବଂ ଏହାର ତଦନ୍ତ କରାଯାଉ ବୋଲି ଦାବି କରିଛନ୍ତି l
ଝାରସୁଗୁଡ଼ାରୁ ଗୁରୁଚରଣ ବାଘ, ଇଟିଭି ଭାରତ
