ଝାରସୁଗୁଡା: କାହାର ହେବ ଝାରସୁଗୁଡା । କିଏ ପିନ୍ଧିବ ବିଜୟ ମୁକୁଟ । ବାସ୍ ଆଉ କିଛି ସମୟ ଅପେକ୍ଷା । ବାହାରିବ ଉପନିର୍ବାଚନ ରେଜଲ୍ଟ । କଡା ସୁରକ୍ଷା ବଳୟରେ ଭୋଟ ଗଣତି ଜାରି ରହିଛି । 18 ରାଉଣ୍ଡ ଗଣତି ସୁଦ୍ଧା ବିଜେଡି ପ୍ରାର୍ଥୀ ଦୀପାଳି ଦାସ ଆଗରେ ରହିଛନ୍ତି । ବିଜେଡି ପ୍ରାର୍ଥୀ ୪୮, ୪୫୯ ଖଣ୍ଡ ଭୋଟରେ ଆଗରେ ରହିଛନ୍ତି । ଦୀପାଳିଙ୍କୁ ମୋଟ 106, 502 ଖଣ୍ଡ ଭୋଟ ମିଳିଛି ।
ଝାରସୁଗୁଡା ଫାଇଟରେ ପଛରେ ପଡି ଯାଇଛନ୍ତି ବିଜେପି ଓ କଂଗ୍ରେସ । ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ଦ୍ବିତୀୟ ସ୍ଥାନରେ ରହିଛନ୍ତି । ସେ ମୋଟ 51, 931ଖଣ୍ଡ ଭୋଟ ପାଇଛନ୍ତି । ତୃତୀୟ ସ୍ଥାନରେ କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ରହିଛନ୍ତି । ସେ ମୋଟ 4 ,133 ଖଣ୍ଡ ଭୋଟ ପାଇଛନ୍ତି । ମେ 10 ତାରିଖରେ ଝାରସୁଗୁଡା ଉପନିର୍ବାଚନ ଅନୁଷ୍ଠିତ ହୋଇଥିଲା । ଆଜି ଫଳାଫଳ ପ୍ରକାଶ ପାଇବ । ଏନେଇ ସକାଳ 8ଟାରୁ ଭୋଟ ଗଣତି ଜାରି ରହିଛି ।
14ଟି ଟେବୁଲରେ 19 ରାଉଣ୍ଡରେ 253 ବୁଥର ଭୋଟ ଗଣତି ହେବ । ମୈଦାନରେ 9 ପ୍ରାର୍ଥୀ ଥିଲେ ସୁଦ୍ଧା ବିଶେଷ କରି ବିଜେଡି, ବିଜେପି ଓ କଂଗ୍ରେସ ମଧ୍ୟରେ ହୋଇଥିବା ତ୍ରିମୁଖୀ ଲଢେଇରେ କିଏ ଝାରସୁଗୁଡା ଦଖଲ କରିବ ତାହା ଉପରେ ସମସ୍ତଙ୍କ ନଜର ରହିିଛି । କଡା ସୁରକ୍ଷା ବଳୟ ଭିତରେ ଗଣତି ଜାରି ରହିଛି ।
ଏହା ବି ପଢନ୍ତୁ...Jharsuguda Byelection Result: ଆଜି ଝାରସୁଗୁଡା ଫଇସଲା, କିଏ ମାରିବ ବାଜି
ପ୍ରକାଶଥାଉ କି, ପୂର୍ବତନ ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କ ଦେହାନ୍ତ ପରେ ଝାରସୁଗୁଡା ଆସନ ଖାଲି ପଡିଥିଲା । ମେ 10 ତାରିଖରେ ଝାରସୁଗୁଡା ଉପନିର୍ବାଚନ ଅନୁଷ୍ଠିତ ହୋଇଥିଲା । ମୋଟ 253ଟି ବୁଥରେ ମୋଟ 75.60 ପ୍ରତିଶତ ଭୋଟ ଗ୍ରହଣ ହୋଇଥିଲା । ଆଜି ଫଳାଫଳ ପ୍ରକାଶ ପାଇବ । 9 ପ୍ରାର୍ଥୀ ଥିଲେ ବି ବିଜେଡି, ବିଜେପି ଓ କଂଗ୍ରେସ ମଧ୍ୟରେ ହୋଇଥିବା ତ୍ରିମୁଖୀ ଲଢେଇରେ କିଏ ଝାରସୁଗୁଡା ଦଖଲ କରିବ ତାହାକୁ ନେଇ ଚର୍ଚ୍ଚା । ଝାରସୁଗୁ଼ଡା ବାସୀ ବ୍ୟକ୍ତିତ୍ବ ନା ପ୍ରସଙ୍ଗକୁ ଭିତ୍ତି କରି ମତଦାନ ସାବ୍ୟସ୍ତ କରିଛନ୍ତି ତାହା ସ୍ପଷ୍ଟ ହୋଇଯିବ ।
ଇଟିଭି ଭାରତ, ଝାରସୁଗୁଡା
