ଝାରସୁଗୁଡ଼ା: ବନ୍ୟାଜଳ ପ୍ରବେଶ ଯୋଗୁଁ ଫୁଲୁଛି ମହାନଦୀ (flood situation in Jharsuguda) । ନଦୀ ଉପକୂଳବର୍ତ୍ତୀ ଅଞ୍ଚଳକୁ ମାଡ଼ି ଆସୁଛି ବନ୍ୟାଜଳ । ଝାରସୁଗୁଡା ଜିଲ୍ଲା ଲଖନପୁର ବ୍ଲକର 4ଟି ଗାଁରେ ଏବେ ବନ୍ୟା ସ୍ଥିତି ଉପୁଜିଛି ।
ଲଖନପୁର ବ୍ଲକ୍ର ସୁଖାସୋଢ଼ା, ସେମଲିଆ, ଚିଖିଲି, ମୁହୁଦୀ ଗାଁରେ ଶହଶହ ଏକର ଚାଷ ଜମିରେ ବନ୍ୟା ଜଳ ମାଡ଼ି ଯାଇଛି । ଏହାକୁ ନେଇ ଆଖପାଖ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି । ଯେକୌଣସି ସମୟରେ ବନ୍ୟାଜଳ ଗ୍ରାମ ମଧ୍ୟକୁ ପ୍ରବେଶ କରିପାରେ ।
ଗ୍ରାମବାସୀଙ୍କ ସୁରକ୍ଷା ଦୃଷ୍ଟିରୁ ଅସ୍ଥାୟୀ କ୍ୟାମ୍ପ୍ ତିଆରି କରିଛି ଜିଲ୍ଲା ପ୍ରଶାସନ । ସୁଖାସୋଢା ଗ୍ରାମର 7 ପରିବାରର 30 ଜଣ, ସେମଲିଆର 9 ପରିବାରର 35ଜଣ, ଶରଧାର 10 ପରିବାରର 40 ଜଣ ଅସ୍ଥାୟୀ କ୍ୟାମ୍ପ୍ରେ ଆଶ୍ରୟ ନେଇଛନ୍ତି । ସେହିଭଳି ଚିଖିଳି ଗ୍ରାମର 5ଟି ପରିବାରର 15 ଜଣ ସଦସ୍ୟଙ୍କୁ ମିଶାଇ ମୋଟ 120 ଜଣ ଅସ୍ଥାୟୀ କ୍ୟାମ୍ପ୍ରେ ଆଶ୍ରୟ ନେଇଛନ୍ତି । ସମସ୍ତ ବନ୍ୟା ପ୍ରଭାବିତଙ୍କ ପାଇଁ ଆନୁସଙ୍ଗିକ ବ୍ୟବସ୍ଥା କରିଛି ପ୍ରଶାସନ l
ଇଟିଭି ଭାରତ, ଝାରସୁଗୁଡ଼ା
