ଝାରସୁଗୁଡା: ଜିଲ୍ଲାର ଲହଣ୍ଡା ବୁଡ ସ୍ଥିତ TPSL (ଠାକୁର ପ୍ରସାଦ ସାଓ ଲିଃ) କାରଖାନାରରେ SMS ୟୁନିଟର ଫରନେସ ବ୍ଲାଷ୍ଟ ଘଟଣାରେ ଗୁରୁତର ଆହତ ହୋଇଥିବା ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ସେ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ ।
TPSL କାରଖାନାର ଫରନେସ ବ୍ଲାଷ୍ଟ ଘଟଣା, ରେ ଜଣେ ଚିକିତ୍ସାଧୀନ ଶ୍ରମିକ ମୃତ
ଗତ 2 ତାରିଖରେ ହୋଇଥିବା ଏହି ଘଟଣାରେ 7 ଜଣ ଶ୍ରମିକ ଆହତ ହୋଇଥିଲେ। ଆହତ ସମସ୍ତଙ୍କୁ ପ୍ରଥମେ ଝାରସୁଗୁଡା ମୁଖ୍ୟ ଡାକ୍ତର ଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ବର୍ଣ୍ଣ ୟୁନିଟ ନଥିବାରୁ ସମସ୍ତଙ୍କୁ ରାଉରକେଲା IGHକୁ ସ୍ଥାନାନ୍ତର କରାଯାଇଥିଲା ।
ତେବେ ଗୁରୁତର ଅବସ୍ଥାରେ ଥିବା ଆନନ୍ଦ ସାହୁଙ୍କୁ ରାଉରକେଲାରୁ ଭୁବନେଶ୍ବର ସମ ହସ୍ପିଟାଲକୁ ନିଆଯାଇଥିଲା ମାତ୍ର ଆଜି (ମଙ୍ଗଳବାର) ଭୋର ସମୟରେ ଉକ୍ତ ଶ୍ରମିକର ମୃତ୍ୟୁ ହୋଇଛି । ରାଉରକେଲାରେ 4 ଜଣ ଶ୍ରମିକ ଏବେ ମଧ୍ୟ ଚିକିତ୍ସିତ ହେଉଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
