ଝାରସୁଗୁଡା: ଆସୁଛନ୍ତି ଜଗତ ଜନନୀ ମା' ଦୁର୍ଗା । ଯାହାକୁ ନେଇ ଚଳଚଞ୍ଚଳ ହୋଇ ଉଠିଛି ଝାରସୁଗୁଡ଼ା ସହରର ବିଭିନ୍ନ ମଣ୍ଡପ । ଝାରସୁଗୁଡାର ବିଭିନ୍ନ ସ୍ଥାନରେ 30ରୁ ଅଧିକ ସ୍ଥାନରେ ପୂଜା ପାଇବେ ମା' ଦୁର୍ଗା । ଝାରସୁଗୁଡାର ମୁଖ୍ୟତଃ ପୁରୁଣାବସ୍ତି ଓ ସରବାହାଲରେ ହେଉଥିବା ମେଢ ମୁଖ୍ୟ ଆକର୍ଷଣ ହୋଇଥାଏ । ଯେଉଁକାରଣରୁ ଅଧିକ ସଂଖ୍ୟାରେ ଶ୍ରଦ୍ଧାଳୁ ଏହା ଦେଖିବା ପାଇଁ ଆସିଥାଆନ୍ତି ।
ରାତି ପାହିଲେ ପୂଜା, ଶେଷ ପର୍ଯ୍ୟାୟରେ ପ୍ରସ୍ତୁତି
ପଶ୍ଚିମବଙ୍ଗ କାରିଗର ଏହାକୁ ଅଧିକ ଆକର୍ଷଣୀୟ କରିବା ପାଇଁ ଦିନରାତି ପରିଶ୍ରମ କରୁଥିବା ଦେଖିବାକୁ ମିଳୁଛି । ଏହା ସହିତ ଦର୍ଶକଙ୍କୁ ଅଧିକ ଆକୃଷ୍ଟ କରିବାରେ କମିଟି ତରଫରୁ ମନୋରଞ୍ଜନ ପାଇଁ ସଂସ୍କୃତିକ କାର୍ଯ୍ୟକ୍ରମର ମଧ୍ୟ ଆୟୋଜନ କରାଯାଇଛି ।
ତେବେ ଚଳିତ ବର୍ଷ ଦଶହରାରେ ଝାରସୁଗୁଡ଼ା ଜିଲ୍ଲା ସହ ବ୍ରଜରାଜନଗର ଓ ବେଲପାହାଡ଼ରେ ହେଉଥିବା ପୂଜାରେ ଲକ୍ଷାଧିକ ଭକ୍ତ ଓ ଦର୍ଶକ ମନଙ୍କ ସମାଗମ ହେବ ବୋଲି ଆଶା କରାଯାଉଛି ।
ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ
