ଝାରସୁଗୁଡା: ରାଜ୍ୟ ରାଜସ୍ବର ଖଣି ଝାରସୁଗୁଡାକୁ ମାଡି ବସିଛି ସମସ୍ୟାର ପାହାଡ । ଏଥିଲାଗି ଚିନ୍ତାରେ ବରଗଡ଼ ସାଂସଦ ସୁରେଶ ପୂଜାରୀ । ବିଜେପି ପକ୍ଷରୁ ଆୟୋଜିତ ଏକ ସମ୍ବର୍ଦ୍ଧନା କାର୍ଯ୍ୟକ୍ରମରେ ଯୋଗ ଦେଇ ସେ ଜିଲ୍ଲାର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ ।
ଭିଡିଓ ସୌଜନ୍ୟ- ପ୍ରତିନିଧି, ଝାରସୁଗୁଡା
ଚାଷୀ, ମତ୍ସ୍ୟଜୀବୀଙ୍କ ଠାରୁ ଆରମ୍ଭ କରି ଶିକ୍ଷାନୁଷ୍ଠାନ ଓ ନିଯୁକ୍ତି ପ୍ରତିଟି କ୍ଷେତ୍ରରେ ଗୁରୁତ୍ବରୋପ କରିଛନ୍ତି ସୁରେଶ ପୂଜାରୀ । ଏଥିସହ ଶିଳ୍ପାନୁଷ୍ଠାନର ବେପାରୁଆ ମନୋଭାବ ଯୋଗୁଁ ହେଉଥିବା ପ୍ରଦୂଷଣ ନିୟନ୍ତ୍ରଣ ପ୍ରମୁଖ ଲକ୍ଷ୍ୟ ବୋଲି କହିଛନ୍ତି ସୁରେଶ ।
ଏହି ସଭାରେ ଝାରସୁଗୁଡ଼ା ଜିଲ୍ଲାର ବିଜେପି କାର୍ଯ୍ୟକର୍ତ୍ତା ଓ ବିଭିନ୍ନ ସଙ୍ଗଠନର ସଦସ୍ୟ ଉପସ୍ଥିତ ରହିଥିଲେ । ବରଗଡ଼ ସାଂସଦ ସୁରେଶ ପୂଜାରୀ ସଭାରେ ଉପସ୍ଥିତ ଲୋକଙ୍କୁ ଉଦବୋଧନ ଦେବାସହ ଆଗାମୀ ଦିନରେ ସମସ୍ତେ ମିଳିମିଶି ବରଗଡ଼ ସହ ଝାରସୁଗୁଡ଼ା ଉନ୍ନତି ପାଇଁ ପଦକ୍ଷେପ ନେବାକୁ ଆହ୍ବାନ ଦେଇଥିଲେ ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
