ଝାରସୁଗୁଡା: ବିମାନବନ୍ଦର ପରିସର ପାଚେରୀ ପାଖରେ ନିଆଁ । ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନବନ୍ଦର ପାଚେରୀ ପାଖରେ ନିଆଁ ଲାଗିଥିବା ସୂଚନା । ପାଚେରୀକୁ ଲାଗି ରହିଥିବା ଗାଁଲୋକେ ପଡିଆରେ ଥିବା ଶୁଖିଲା ବୁଦାରେ ନିଆଁ ଲଗାଇବା କାରଣରୁ ଏଭଳି ପରିସ୍ଥିତି ଉପୁଜିଥିଲା । ଏହି ନିଆଁ ଲାଗିବା ଯୋଗୁଁ ଘଣ୍ଟାଏ ପର୍ଯ୍ୟନ୍ତ ବିମାନବନ୍ଦର ପରିସର ଧୂଆଁମୟ ହୋଇଥିଲା ।
ଝାରସୁଗୁଡା ବିମାନବନ୍ଦର ପରିସର ନିଆଁ
ପ୍ରବଳ ଧୂଆଁ ଯୋଗୁଁ ବିମାନ ଅବତରଣ ଓ ଉଡାଣ ଭରିବାରେ ସମସ୍ୟା ସୃଷ୍ଟି ଆଶଙ୍କାରେ ତୁରନ୍ତ ବିମାନବନ୍ଦର କର୍ତ୍ତୃପକ୍ଷ ନିଜ ଅଧୀନରେ ଥିବା 5ଟି ଦମକଳ ନିୟୋଜିତ କରି ନିଆଁକୁ ଆୟତ୍ତ କରିଥିଲେ ।
ନିଆଁ ଆୟତ କରିବାକୁ ପ୍ରାୟ ଘଣ୍ଟାଏଁରୁ ଊର୍ଦ୍ଧ୍ବ ସମୟ ପର୍ଯ୍ୟନ୍ତ କସରତ କରିବାକୁ ପଡ଼ିଥିଲା। ଧୂଆଁ ନିୟନ୍ତ୍ରଣ ହେବାରୁ ସୁରୁଖୁରୁରେ ବିମାନ ଚଳାଚଳ ଚାଲିଛି ବୋଲି କହିଛନ୍ତି ବିମାନବନ୍ଦର ନିର୍ଦ୍ଦେଶକ କିଶୋର ସେନାପତି । ଏଥିସହ ନିକଟସ୍ଥ ଗ୍ରାମବାସୀ କୌଣସି ପଡ଼ିଆରେ ନିଆଁ ନ ଲଗାଇବାକୁ ଅନୁରୋଧ କରିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
