ଝାରସୁଗୁଡ଼ା: ଦୁର୍ଦ୍ଦାନ୍ତ ଅପରାଧୀ ସୋନୁ ଘୋଷକୁ ନ୍ୟାସନାଲ ସିକ୍ୟୁରିଟି ଆକ୍ଟ (ଏନଏସଏ)ରେ ଗିରଫ କରିଛି ଝାରସୁଗୁଡା ପୋଲିସ । ଅପରାଧୀ ଜଣଙ୍କ ହେଲେ ଝାରସୁଗୁଡ଼ା ବ୍ରଜରାଜନଗରର ଅଞ୍ଚଳର ।
ଅପରାଧୀ ସୋନୁ ଘୋଷ ନ୍ୟାସନାଲ ସିକ୍ୟୁରିଟି ଆକ୍ଟରେ ଗିରଫ
ସୋନୁଙ୍କ ନାମରେ ଏକାଧିକ ସଙ୍ଗୀନ୍ ମାମଲା ରହିଛି । ବର୍ତ୍ତମାନ ସୋନୁ କଟକ ଚୌଦ୍ୱାର ଜେଲରେ ଅଛି। ଏ ନେଇ ଝାରସୁଗୁଡା ଏସପି ଅଶ୍ୱିନୀ ମହାନ୍ତି କହିଛନ୍ତି ଯେ ଲୋକଙ୍କ ମଧ୍ୟରେ ଆତଙ୍କ, ଭୟ ଓ ଜୀବନ ପ୍ରତି ବିପଦ ସୃଷ୍ଟି କରୁଥିବା ଅପରାଧୀମାନଙ୍କୁ ଏନଏସଏରେ ଗିରଫ କରାଯାଇଥାଏ । ସୋନୁ ଘୋଷ ବ୍ରଜରାଜନଗର ଅମିତ ଧଳ ହତ୍ୟାକାଣ୍ଡ ମାମଲାରେ ମୁଖ୍ୟ ଷଡଯନ୍ତ୍ରକାରୀ ହୋଇଥିବା ସହ ତାଙ୍କ ନାମରେ ବହୁ ସଙ୍ଗୀନ ମାମଲା ରହିଥିବା ଏସପି କହିଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
