ଝାରସୁଗୁଡା: ଆଜି ଝାରସୁଗୁଡା ସହରସ୍ଥିତ ଏକ ଘରୋଇ ହୋଟେଲରେ ଝାରସୁଗୁଡା ଜିଲ୍ଲା ବିଜୁ ଜନତା ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି।
ଏହି ସାମ୍ବାଦିକ ସମ୍ମିଳନୀରେ ପଞ୍ଚାୟତ ନିର୍ବାଚନରେ ଜିଲ୍ଲାରେ ବିଜେଡି ଭଲ ପ୍ରଦର୍ଶନ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଜିଲାବାସୀଙ୍କ ଶ୍ରେୟ ବୋଲି ସ୍ବାସ୍ଥ୍ୟମନ୍ତ୍ରୀ ନବଦାସ ଓ ସାଂସଦ ତଥା ବିଜେଡିର ଝାରସୁଗୁଡା ଜିଲା ପର୍ଯ୍ୟବେକ୍ଷକ ସୁବାଷ ସିଂ କହିଛନ୍ତି ।
ଏହାସହ ଆସନ୍ତା 24 ତାରିଖରେ ହେବାକୁ ଥିବା ଜିଲାର 3ଟି ପୌରପରିଷଦରେ ମଧ୍ୟ ଦଳ ଭଲ ପ୍ରଦର୍ଶନ କରିବ ବୋଲି ଜିଲ୍ଲା ବିଜେଡି ଦାବି କରିଛି । ଏହି ସାମ୍ବାଦିକ ସମ୍ମିଳନୀରେ ସ୍ଵାସ୍ଥ୍ୟମନ୍ତ୍ରୀ ନବ ଦାସ, ରାଜ୍ୟସଭା ସାଂସଦ ସୁବାସ ସିଂ, ସହ ପର୍ଯ୍ୟବେକ୍ଷକ ବିଷ୍ଣୁ କେଡିଆ ପ୍ରମୁଖ ଯୋଗ ଦେଇଥିଲେ। ବିଶେଷ ଭାବେ ଝାରସୁଗୁଡା ତଥା ସମଗ୍ର ଓଡିଶାରେ ବିଜୁ ଜନତା ଦଳ ଯେଉଁଭଳି ପଞ୍ଚାୟତ ନିର୍ବାଚନରେ ପ୍ରଦର୍ଶନ କରିଛି ତାହା ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନେତୃତ୍ବର ସଫଳତା ବୋଲି ନେତାମାନେ କହିଛନ୍ତି ।
ଝାରସୁଗୁଡାରୁ ଗୁରୁଚରଣ ବାଘ, ଇଟିଭି ଭାରତ
