ଝାରସୁଗୁଡା: ଜିଲ୍ଲା ବେହେରାମାଲ ସ୍ଥିତ ଜିଏନଏମ ଟ୍ରେନିଂ କଲେଜରେ ଛାତ୍ରୀଙ୍କୁ ମାନସିକ ଏବଂ ଶାରୀରିକ ନିର୍ଯାତନା ଦିଆଯାଉଥିବା ଅଭିଯୋଗ । ଛାତ୍ରୀ ଏବଂ ସେମାନଙ୍କ ଅଭିଭାବକମାନେ ଝାରସୁଗୁଡା ଉପଜିଲ୍ଲାପାଳଙ୍କୁ ଭେଟି ଅଭିଯୋଗ କରିଛନ୍ତି ।
ଅଭିଯୋଗ ଅନୁଯାୟୀ ଛାତ୍ରୀମାନଙ୍କୁ ବାଳିକା ହଷ୍ଟେଲରେ ରଖିବା ପରିବର୍ତ୍ତେ ଏକ ଭଡା ଘର ନେଇ ରଖାଯାଇଛି l ସେହି ଭଡାଘର ପରିସରରେ କୌଣସି ଆନୁସଙ୍ଗିକ ବ୍ୟବସ୍ଥା ବିନା ପୁଅଙ୍କୁ ମଧ୍ୟ ରଖାଯାଉଛି l ଯାହାଫଳରେ ଝିଅମାନେ ସୁରକ୍ଷିତ ମନେ କରୁନାହାନ୍ତି l ଏହାସହ ହଷ୍ଟେଲ ହିସାବରେ ନିଆଯାଇଥିବା ଭଡା ଘର ଏବଂ ଶୌଚାଳୟ ସଫା କରିବା ପାଇଁ ଛାତ୍ରୀଙ୍କୁ ବାଧ୍ୟ କରାଯାଉଛି l ସେହିପରି ଆଡମିଶନ ସମୟରେ କୁହାଯାଇଥିବା କୋର୍ସ ଫି ଠାରୁ ବର୍ତ୍ତମାନ ଅଧିକ ଫି ପୈଠ କରିବା ପାଇଁ କୁହାଯାଉଛି l ଅନ୍ୟପଟେ ଏହି ନର୍ସିଂ କଲେଜରେ ଭଲ ଭାବରେ ପାଠ ମଧ୍ୟ ପଢା ଯାଉନାହିଁ l
ତେଣୁ ଏନେଇ ତଦନ୍ତ କରାଯାଇ କଲେଜ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଯିବା ସହ ପ୍ରଥମ ବର୍ଷ ଛାତ୍ରୀଙ୍କ ପାସ ସାର୍ଟିଫିକେଟ ପ୍ରଦାନ କରିବାର ବ୍ୟବସ୍ଥା କରାଗଲେ ସେମାନେ ଅନ୍ୟ ସ୍ଥାନରେ ଭଲ କଲେଜରେ ଆଡ଼ମିସନ ନେବେ ବୋଲି ଚେତାବନୀ ଦେଇଛନ୍ତି l ଉପଜିଲ୍ଲାପାଳଙ୍କୁ ଭେଟି ଉକ୍ତ ସେଣ୍ଟରକୁ ଯିବାରୁ ସେଠାରେ କେହି ନ ବାହାରିବାରୁ ଛାତ୍ରୀ ଓ ଅଭିଭାବକମାନେ ପୋଲିସକୁ ଡ଼କାଇଥିଲେ । ପୋଲିସ ପହଁଚି ବୁଝାସୁଝା କରିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
