ଝାରସୁଗୁଡା: ଝାରସୁଗୁଡା ପୋଲିସକୁ ବଡ ସଫଳତା । ଜିଲ୍ଲାର ବ୍ରଜରାଜନଗର ଠାରେ ଗତ 21 ତାରିଖ ସନ୍ଧ୍ୟାରେ ଗୁଳି ଚାଳନା କରି ପିଣ୍ଟୁ ବାଉରୀଙ୍କ ମୃତ୍ୟୁ ଘଟଣାର ମୁଖ୍ୟ ଅଭିଯୁକ୍ତ ନମିଶ ୟାଦବ ଏବଂ ତାର ସହଯୋଗୀକୁ ଗିରଫ କରି କୋର୍ଟଚାଲାଣ କରିଛି ପୋଲିସ୍।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ତେବେ ଗତ 21 ତାରିଖ ସନ୍ଧ୍ୟାରେ ନମିଶ ଏବଂ ତାର ଚାରିଜଣ ସହଯୋଗୀ ପୂର୍ବ ଶତ୍ରୁତାକୁ କେନ୍ଦ୍ର କରି ପିଣ୍ଟୁଙ୍କ ଉପରକୁ ଦୁଇ ରାଉଣ୍ଡ ଫାଇରିଂ କରିଥିଲେ। ଫଳରେ ଗୋଟିଏ ଗୁଳି ପିଣ୍ଟୁର ଛାତିରେ ବାଜିଥିଲା। ଘଟଣାସ୍ଥଳରେ ପିଣ୍ଟୁର ମୃତ୍ୟୁ ଘଟିଥିଲା।
ଘଟଣାରେ ଆଗରୁ ତିନି ଜଣଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିସାରିଥିବାବେଳେ ଘଟଣାରେ ବ୍ୟବହୃତ ହୋଇଥିବା ଦୁଇଟି ବାଇକ ଓ ଗୋଟିଏ କାରକୁ ମଧ୍ୟ ପୋଲିସ ଜବତ କରିଛି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
