ଯାଜପୁର: ଯାଜପୁରର ଏକ ହୋଟେଲରୁ ଯୁବକର ମୃତଦେହ ଉଦ୍ଧାର । ଯୁବକ ଜଣକଙ୍କ ମୃତ୍ୟୁର କାରଣ ଆତ୍ମହତ୍ୟା ଜନିତ ହୋଇଥାଇପାରେ ବୋଲି ପୋଲିସ ସନ୍ଦେହ କରୁଥିବା ବେଳେ ତଦନ୍ତ ଜାରି ରହିଛି । ମୃତ ଯୁବକ ଜଣକ ପଶ୍ଚିମବଙ୍ଗର ଅଧିବାସୀ ହୋଇଥିବା ସୂଚନା ।
ଯାଜପୁର ଜିଲ୍ଲାର ଯାଜପୁର ରୋଡ ଥାନା ବ୍ୟାସନଗର ପୌରାଞ୍ଚଳସ୍ଥ ଷ୍ଟେସନ ବଜାର ନିକଟରେ ଥିବା ହୋଟେଲ ସୁବାସ ପ୍ୟାଲେସରେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି ଯୁବକଜଣଙ୍କ ମୃତ୍ୟୁ ଆତ୍ମହତ୍ୟା ଜନିତ କାରଣରୁ ହୋଇଥିବା ପ୍ରାଥମିକ ତଦନ୍ତରୁ ଅନୁମାନ କରୁଛି ପୋଲିସ । ତେବେ ମୃତ ଯୁବକ ଜଣକ ପଶ୍ଚିମବଙ୍ଗ ସିଂହଭୂମୀ ୨୪ ପର୍ଗନା ଅଞ୍ଚଳର କୌଶଲ ଚାନ୍ଦ୍ ବୋଲି ଯାଜପୁର ରୋଡ ପୁଲିସ୍ ପକ୍ଷରୁ ଜଣାପଡିଛି । ସେ ଜଣେ ହାଇଡ୍ରୋଲିକ୍ ଇଞ୍ଜିନିୟର ବୋଲି ପୋଲିସ୍ ପ୍ରକାଶ କରିଛି । ତେବେ ଯୁବକ ଜଣକଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନଥିବାବେଳେ ପୋଲିସ ଘଟଣାସ୍ଥଳରେ ତଦନ୍ତ ଜାରି ରଖିଛି ।
ଏହାମଧ୍ୟ ପଢନ୍ତୁ.. କାଶୀପୁର ନାବାଳିକା ଦୁଷ୍କର୍ମ ମାମଲା, ପୀଡ଼ିତାଙ୍କ ପରିବାରକୁ ଭେଟିଲେ କୋରାପୁଟ ସାଂସଦ
ସୂଚନା ଅନୁଯାୟୀ, ଯାଜପୁର ବ୍ୟାସନଗର ଅଞ୍ଚଳରେ ଥିବା ସୁବାସ ପ୍ୟାଲେସ ହୋଟେଲରେ ଚଳିତ ମାସ ୧୧ ତାରିଖରେ ଯୁବକ ଜଣଙ୍କ ରୁମ୍ ନମ୍ବର ୨୦୭ରେ ରହି ଆସୁଥିଲେ । ରବିବାର ସ୍ୱାଭାବିକ ଭାବେ ସେ ଖାଇପିଇ ଆସି ରାତିରେ ଶୋଇଥିଲେ । ସୋମବାର ସକାଳେ କୌଶଲ ହୋଟେଲ ରୁମ୍ରୁ ବାହାରକୁ ଆସିନଥିଲେ । ହୋଟେଲ୍ କର୍ମଚାରୀମାନେ ରୁମ୍କୁ ଯାଇ ଡାକିବାରୁ ଭିତରୁ କୌଣସି ଉତ୍ତର ମିଳିନଥିଲା କିମ୍ବା କବାଟ ମଧ୍ୟ ଖୋଲିନଥିଲା । ହୋଟେଲ ମାଲିକ ତୁରନ୍ତ ଯାଜପୁର ରୋଡ୍ ପୋଲିସକୁ ଏନେଇ ଖବର ଦେଇଥିଲେ ।
ଏହାମଧ୍ୟ ପଢନ୍ତୁ.. ପୂର୍ବ ଶତ୍ରୁତାରୁ ଗାଁରେ ବୁଲିଲା ଖଣ୍ଡା ! 10 ଆହତ
ପରେ ପୋଲିସ ଖବରପାଇ ତୁରନ୍ତ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରି ଯୁବକଙ୍କ ପରିବାର ଲୋକଙ୍କୁ ଖବର ଦେଇଥିଲେ । ମଙ୍ଗଳବାର ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ସାଇଣ୍ଟିଫିକ ଟିମ୍ ସହାୟତରେ କବାଟ ଖୋଲି ଯୁବକର ଝୁଲନ୍ତା ମୃତଦେହକୁ ଉଦ୍ଧାର କରିବା ସହ ମୃତଦେହ ବ୍ୟବଚ୍ଛେଦ ପାଇଁ ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି । ସେପଟେ ଯୁବକ ଜଣଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ପରିବାର ଲୋକଙ୍କ ଅଭିଯୋଗ କ୍ରମେ ପୋଲିସ ଏକ ଅପମୃତ୍ୟୁ ମାମଲା ରୁଜୁକରି ଅଧିକ ତଦନ୍ତ ଚଳାଇଛନ୍ତି । କୌଶଲ ରାଉରକେଲାର ଏକ କମ୍ପାନୀରେ ମେକାନିକ ଭାବେ କାର୍ଯ୍ୟ କରୁଥିବା ବେଳେ କଳିଙ୍ଗନଗର ସ୍ଥିତ ଟାଟା ଷ୍ଟିଲକୁ ହାଇଡ୍ରୋଲିକ୍ ମିସ୍ତ୍ରୀଭାବେ କାର୍ଯ୍ୟ କରିବାକୁ ଆସିଥିବା ସୂଚନା ମିଳିଛି ।
ଇଟିଭି ଭାରତ, ଯାଜପୁର
