ଯାଜପୁର: ଘରୁ ନିଜ ଦୁଇ ଶିଶୁ କନ୍ୟାଙ୍କ ସହ ପଳାଇ ଆସିଥିବା ମହିଳାଙ୍କୁ ଉଦ୍ଧାର କଲା ଯାଜପୁର ଶିଶୁ ମଙ୍ଗଳ ସମିତି ଓ ଶିଶୁ ସୁରକ୍ଷା ୟୁନିଟ । ଗତ କିଛିଦିନ ହେଲା ଏହି ମହିଳା ଜଣକ ଗରିଆପୁର ଅଞ୍ଚଳର ରାସ୍ତା କଡରେ ବୁଲାବୁଲି କରୁଥିଲେ । ରାତିରେ ଏଣେତେଣେ ରହୁଥିଲେ ।
ଘରୁ ଦୁଇ ଶିଶୁ କନ୍ୟାଙ୍କ ସହ ପଳାଇ ଆସିଥିବା ମହିଳା ଉଦ୍ଧାର
ଖବର ପାଇ ଶିଶୁ ମଙ୍ଗଳ ସମିତି ଓ ଶିଶୁ ସୁରକ୍ଷା ୟୁନିଟ ସେମାନଙ୍କୁ ଉଦ୍ଧାର କରି ପଚରାଉଚରା କରିଥିଲା । ମହିଳାଙ୍କ ଘର ମହେଶ୍ବରପୁର ପଞ୍ଚାୟତର କବିରପୁର ବୋଲି ଜଣାପଡିବା ପରେ ତାଙ୍କ ପରିବାରକୁ ଖବର ଦିଆଯାଇଥିଲା । ପରିବାର ଲୋକେ ପହଞ୍ଚିବା ପରେ ମହିଳାଙ୍କ ମାନସିକ ଅବସ୍ଥା ଠିକ୍ ନଥିବା ଜଣାପଡିଥିଲା । ପରେ ମହିଳା ଓ ଶିଶୁଙ୍କୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
