ଯାଜପୁର: କୁଆଖିଆ ଥାନା ନଠୁଆବର ପଞ୍ଚାୟତ ଆଦମପୁର ପେଟ୍ରୋଲ ପମ୍ପ କୁରୁକୁରା ନିକଟରେ ଥିବା ମଦ ଦୋକାନକୁ ବିରୋଧ ବ୍ୟାପକ ଭଙ୍ଗାରୁଜା କରିଛନ୍ତି ସ୍ଥାନୀୟ ମହିଳା । ଆଜି ଉତ୍ୟକ୍ତ ମହିଳାମାନେ ଏକତ୍ରିତ ହୋଇ ମଦ ଦେକାନକୁ ଭଙ୍ଗିବା ସହ ପେଟି ପେଟି ବିଦେଶୀ ମଦ ମଧ୍ୟ ଫିଙ୍ଗି ଦେଇଥିବା ଦେଖିବାକୁ ମିଳିଛି ।
ମଦ ଦୋକାନ ଭାଙ୍ଗିଲେ ମହିଳା
ସ୍ଥାନୀୟ ମହିଳାଙ୍କ ଅଭିଯୋଗ ଅନୁଯାୟୀ ସେଠାରେ ସ୍କୁଲ ଓ ମନ୍ଦିର ଭଳି ସମ୍ବେଦନଶୀଳ ଅନୁଷ୍ଠାନ ଗୁଡିକ ରହିଛି । ତେଣୁ ସେଠାରେ ମଦ ଦୋକାନ ଖୋଲାଗଲେ ସାଧାରଣ ଲୋକେ କ୍ଷତିଗ୍ରସ୍ତ ହେବେ ଏବଂ ସ୍ଥାନୀୟ ଅଞ୍ଚଳରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେବ । ଏଠାରେ କୌଣସି ମଦ ଦୋକାନ ନ ଖୋଲିବାକୁ ଚେତାବନୀ ଦେଇଛନ୍ତି ସ୍ଥାନୀୟ ମହିଳା । ଆଜି ମହିଳାମାନେ ଦୋକାନ ଭାଙ୍ଗିବା ସହ ମଦ ଫିଙ୍ଗିଥିବାବେଳେ କିଛି ସ୍ଥାନୀୟ ଗ୍ରାମବାସୀ ମଦ ବୋହି ନେଇଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
