ଯାଜପୁର: ରୋଡ ଥାନା କୋପଣ୍ଡ ପଶିରେ ଅଭାବନୀୟ ଘଟଣା । ଗୋଟିଏ ଗଛରୁ ଜଣେ ବୃଦ୍ଧଙ୍କ ଝୁଲନ୍ତା ମୃତଦେହ ଉଦ୍ଧାର। ସୂଚନା ମୁତାବକ ଆଜି ସକାଳୁ କୋପଣ୍ଡ ପଶିକୁ ଗ୍ରାମବାସୀ ବିଲ କାମ କରିବାକୁ ଆସିଲା ବେଳେ ଏହି ଗଛରେ ବୃଦ୍ଧଙ୍କ ଝୁଲନ୍ତା ମୃତଦେହକୁ ଦେଖିଥିଲେ।
ଗଛରୁ ଝୁଲନ୍ତା ଅବସ୍ଥାରେ ବୃଦ୍ଧଙ୍କ ମୃତଦେହ ଉଦ୍ଧାର
ଖବର ଜାଣିବା ପରେ ପୋଲିସକୁ ଖବର ଦେଇଥିଲେ ଗ୍ରାମବାସୀ। ତେବେ ଯାଜପୁର ରୋଡ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ତେବେ ପ୍ରାଥମିକ ତଦନ୍ତରୁ ଜଣାପଡ଼ିଛି ବୃଦ୍ଧଙ୍କ ନାଁ ପରୀକ୍ଷିତ ମଲ୍ଲିକ, ଘର ବିରମଣୀପୁର।
ତେବେ ପରୀକ୍ଷିତ ଅନେକ ରୋଗରେ ପୀଡିତ ଥିଲେ । ନିଜ ଦେହକୁ ଭଲ କରିବାକୁ ନେଇ ଚିନ୍ତାରେ ଥିଲେ। ତେବେ ଗତକାଲି ରାତିରେ ପରିବାର ଲୋକେ ଖାଇପିଇ ଶୋଇବା ପରେ ପରୀକ୍ଷିତ ଆତ୍ମହତ୍ୟା କରିଥିବା ପରିବାର ପକ୍ଷରୁ ସୂଚନା ଦେଇଛନ୍ତି। ତେବେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହିତ ଅଧିକ ତଦନ୍ତ ଜାରି ରଖିଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
