ଯାଜପୁର: ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଲଘୁଚାପ ଘନୀଭୂତ ହେବା କାରଣରୁ ରାଜ୍ୟର ବିଭିନ୍ନ ସ୍ଥାନରେ ତୁହାକୁତୁହା ବର୍ଷା ଜାରି ରହିଛି । ଏହି କ୍ରମରେ ଯାଜପୁର ଜିଲ୍ଲାରେ ଗତ ବୁଧବାର ଠାରୁ ପ୍ରବଳ ବର୍ଷା ଲାଗିରହିଛି । ଫଳରେ ଜନଜୀବନ ପ୍ରଭାବିତ ହୋଇଛି। ଶୁଣନ୍ତୁ କଣ କହୁଛନ୍ତି ସାଧାରଣ ଜନତା।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ବିଶେଷ କରି ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ, ଜେଲ, ତହସିଲ, ପୌରପରିଷଦ ଅଫିସ ଆଦି ସ୍ଥାନ ସମ୍ମୁଖରେ ଥିବା ମୁଖ୍ୟ ରାସ୍ତାରେ ଆଣ୍ଠୁଏ ଉପରେ ପାଣି ଚାଲୁଥିବା ଦେଖିବାକୁ ମିଳିଛି । ସେହିପରି ବ୍ୟାସନଗର ସହରରେ ସମାନ ପରିସ୍ଥିତି। ଡ୍ରେନେଜ ସମସ୍ୟା ରହିଥିବାରୁ ବର୍ଷା ଫଳରେ ପାଣି ଉଛୁଳି ଦୋକାନ ବଜାର ଓ ଘରମାନଙ୍କରେ ପାଣି ପଶିଥିବା ଦେଖିବାକୁ ମିଳିଛି । ଏହି କାରଣରୁ ସ୍ଥାନୀୟ ବାସିନ୍ଦା ପ୍ରବଳ ଅସୁବିଧାର ସମ୍ମୁଖୀନ ହୋଇଛନ୍ତି। ସହରରେ ଯାନବାହାନ ଚଳାଚଳରେ ବାଧା ଉପୁଜିଥିବା ଦେଖିବାକୁ ମିଳିଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
